රොමේෂ් මධුෂංඛ
 
යාපනය චුණ්ඩික්කුලි බාලිකා විදුහලේ විදුහල්පතිනියගේ නිවසට එම විදුහලේ බෝම්බ තබන බව සඳහන් කරමින් අයි.එස්.අයි.එස්. සංවිධානයට අයත් ධජය ද ඇතුළත් ජාතික තව්හීත් ජමාත් සංවිධානය නමින් ලිපියක් එවා ඇති බවට යාපනය පොලීසිය පවසයි.

චුණ්ඩික්කුලි බාලිකා විදුහලේ විදුහල්පතිනි රුසිධරන් දුෂ්‍යන්ති මහත්මියගේ නිවසට මෙසේ මෙම තර්ජනාත්මක ලිපිය ලැබී ඇති අතර එම අවස්ථාවේදීම විදුහල්පතිනිය ඒ බව පොලීසියට දැනුම්  දෙනු ලැබ ඇත.

මේ අනුව අදාළ ලිපියේ අයි.එස්.අයි.එස්. ධජයට අමතරව තරුණයකුගේ ඡායාරූපයක් ද දක්නට ලැබෙන අතර එම තරුණයා කවුරුන් දැයි යන්න මෙතෙක් හෙළි වී නොමැති බවත් එම ලිපිය දෙමළ බසින් ලියා ඇති බවද යාපනය පොලීසිය පවසයි.