(කවිතා සුබසිංහ )
 
රටෙි පවතින හදිසි තත්වය යටතේ අධිකරණය මගින් බන්ධනාගාරගත කරන ලද නවක සැකකරුවන් 9 දෙනෙකු රදවා සිටි සිර මැදරියෙන් පිටතට පැන බන්ධනාගාරයෙන් පලා යාමට උත්සාහ කිරිමෙිදි රාත්‍රි සේවයේ නියුතුව සිටි බන්ධනාගාර නිළධාරින් විසින් මහත් පරිශ්‍රමයක් දරා නැවත අත්අඩංගුවට  ගැනීමට සමත් වු  බව මහර බන්ධනාගාරය කියයි.
                                         
මත්ද්‍රව්‍ය වැරදි හා මංකොල්ලකෑම් වලට සම්බන්ධව අධිකරණය විසින් බන්ධනාගාරගත කරන ලදමෙම සැකකරුවන් අතර මහා පරිමාණ මත්ද්‍රව්‍ය ජාවාරම නිරත වු අයෙකුද සිට ඇතැයි බන්ධනාගාරය සඳහන් කරයි.
 
මේ දිනවල බන්ධනාගාර ගත වන නවක සැකකරුවන් ව ආරක්ෂිත පියවරක් ලෙස වෙනම සිරමැදිරියක රදවන අතර එම සිරමැදිරිය කඩා මොවුන් මෙලෙස පිටතට පැන ඇති අවස්ථාවේ බන්ධනාගාරය තුල මුර අට්ටාලයෙහි රාජකාරි කල නිළධාරියා විසිනි සිය රාජකාරි ගිණි අවියෙන් අහසට වෙඩි තබා ඇත.
 
ඔවුන් මෙල්ල කිරිමට උත්සාහ කළ ද ඉන් නොනැවතුණ මෙම සැකකරුවන් 9 දෙනා බන්ධනාගාර තාප්පය දෙසට දිව යද්දි රාත්‍රී සේවා නිළධාරින් ඔවුන් අල්ලාගෙන ඇති අතර එක් සැකකරුවකු යකඩ කොක්කක් තාප්පයට දමා පිටතට පැන ගැනීමට දරන ලද උත්සාහය ව්‍යර්ථ වී කොක්ක සහිත රෙදි වලින් සාදන ලද කඹය කැඩි තාප්පය අඩක් පමණ නැග සිටි ඔහු නැවත බන්ධනාගාර තුලට වැටි ඇත.
 
එහිදි තුවාල ලැබු එම සැකකරු රාගම  රෝහලට ඇතුළත් කිරිමට බන්ධනාගාර නිළධාරින් කටයුතු කර ඇත. 
 
සැකකරුවන් අල්ලා ගැනීමට යාමේදී තුවාල ලැබු බන්ධනාගාර නිළධාරින් දෙදෙනකුද රාගම රෝහලට ඇතුළත් කර ඇත.