2025 ජුලි මස 12 වන සෙනසුරාදා
2025 ජුලි මස 12 වන සෙනසුරාදා
(ගාමිණි බණ්ඩාර ඉලංගන්තිලක)
වතු කම්කරුවන්ගේ දිනක වැටුප මාර්තු මස සිට රුපියල් 1000 ක් දක්වා වැඩි කර ලබාදීමට රජය පියවර ගෙන ඇති බවත් ඒ සඳහා වූ අවබෝධතා ගිවිසුම් ඉදිරි දින කීපයතුළදි වතු සමාගම් සමඟ අත්සන් කරනු බලන බවත් ප්‍රජා සංවර්ධන හා වතු යටිතල පහසුකම් අමාත්‍ය ආරුමුගන් තොණ්ඩමාන් මහතා පැවැසීය.
ආගරපතන, ඩයගම, නට්බෝන් ප්‍රදේශයේදී අද (14) පැවැති උත්සවයක් අමතමින් අමාත්‍යවරයා එසේ කීය.
මධ්‍යම පළාත් සභාවේ කෘෂිකර්ම අමාත්‍යංශය මගින් මුදල් ප්‍රතිපාදන වෙන් කර ඉදිකරන ලද ඩයගම, නට්බෝන් දෙමළ විදුහලේ නව ගොඩනැගිල්ල විවෘත කිරීමෙන් අනතුරුව මෙම උත්සවය පැවැත්විණි.
එහිදී තව දුරටත් අදහස් දක්වමින් ඒ මහතා මෙසේද පැවැසීය.
“ගෝඨාභය රාජපක්ෂ ජනාධිපතිවරයා කිව්ව විදිහටම වතු කම්කරුවන්ගේ දිනක වැටුප වැඩි කිරීමට කටයුතු කර තිබෙනවා. පසුගිය රජයේ වතුකරයේ සිටි ඇමැතිවරුන් වතු කම්කරුවන්ගේ වැටුප් වැඩි කරනවා කියා ඔවුන් රැවට්ටුවා.
වතු කම්කරුවන්ට බොරු කීවා. වතුකරයේ එම ඇමැතිවරුන්ට වතු කම්කරුවන්ට වැඩි කරන ලද රුපියල් 50 ක වැටුප පවා දුන්නේ නැහැ. දෙන්න බැරි උනා.
කියන දේ කරන කරපු දේ කියන අයයි මේ රජයේ ඉන්නේ. ඒ නිසා අනිවාර්යෙන්ම වතු කම්කරුවන්ගේ රුපියල් 1000 වැටුප් වැඩි කිරීම මාර්තු මස සිට අපි වතු කම්කරුවන්ට ලබා දීමට පියවර ගන්නවා” යැයි කීය.
2025 ජුලි මස 04
335
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
861
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1279
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
‘‘මාර්තු සිට වතු සේවක වැටුප 1000 දක්වා වැඩි කරනවා‘‘
siri Friday, 14 February 2020 04:42 PM
ආව ගමන් දෙනවා කියලයි ඡන්දෙදි කිව්වේ. එ් විතරක්යැ. රණවිරුවන් පළවෙනි දවසෙම නිදහස් කරනවා. පොහොර නොමිලේ දෙනවා. සයිටම් එක ගන්නවා. පිටරටට විකුණපු සේරම ආපහු ගන්නවා. දූෂිත චෝදනා තියෙන අයට කිසිම තනතුරක් දෙන්නේ නැහැ වගේ පොරොන්දුත් දුන්න‍ා වගේ මතකයි.
Dirt Friday, 14 February 2020 04:51 PM
ගෝඨාභය ජනාධිපතිතුමා කියනදේ කලින් කරන කෙනෙක්... එ් නිසා තම මහබැංකු හොරු අද හිරගෙවල්වල දඬුවම් විඳින්නේ. පැය 48ක් යන්න කලින් අල්ලලා හිරේ දැම්මා... අපි ඒක හොඳින් වටහා ගත්තා කිරිපුතේ....
anura Friday, 14 February 2020 10:23 PM
මාස 2 කට වැඩිය ඕක දෙන්නේ නැහැ. ඡන්දෙන් ආණ්ඩුව දිණුවොත්. ඊට පස්සේ රුපියල් 1000 නොවෙයි රුපියල් 10 ක්වත් දෙන්නේ නැහැ... රැවටෙන්න එපා.
LIYANAGE Saturday, 15 February 2020 03:02 AM
ගරු ඇමති තුමනි, අද පවතින ජීවන වියදමට සරිලන වැටුපක් වතු කම්කරුවන්ට නොලැබෙන බව සැබෑවකි. එබැවින් ඔවුන්ගේ දිනක වැටුප රුපියල් 1000 දක්වා වැඩි කිරීමට ඔබ ගන්න උත්සාහය අගය කරමි. නමුත් දිනකට ඔවුන් වැඩ කරන පැය ගණන ඔබ දන්නවාද ? උදේ 8 ට වැඩට එන ඔවුන් උදැසන ආහාර ගැනීමට විනාඩි 45 ක් ද තේ බිමට තවත් විනාඩි 30 ක්ද ගතකර දවල් 1.30 ට වැඩ අවසන්කර නිවෙස් බලා යයි. රජයේ සහ පුද්ගලික අංශයේ කම්කරුවෙකුගේ වැඩ කරන කාලසීමාව අඩු තරමින් පැය 8 ක් වේ. වතු කම්කරුවන් හට රුපියල් 1000 ක දෛනික වැටුපක් ලබා දෙන්නේ නම් ඔවුන් ද පැය 8 ක් වැඩ කල යුතු බව මගේ හැඟීමයි. ඔබ මෙය නොකියවන බව මම දනිමි. මේ සඳහා අදහස් දක්වන පාඨක මිතුරන්ගේ අවධානය අපේක්ෂා කරමි.
eresh S kumara Saturday, 15 February 2020 03:45 AM
ඔබතුමා ගැන අපිට ආඩම්බරයි. ලඟදි ඉන්දියානු රුපවාහිනී නාලිකාවකින් ජාතික ගීය දෙමලෙන් ගයන කල යුතුද අහපු ප්‍රශ්නයට කෙලින්ම උත්තර දීලා බහුතර සිංහල ජනතාව හා රට ගැන අභිමානයෙන් කතා කල එක ගැන හරිම සතුටුයි. දෙමල ජනතාවටත් රජය පැත්තෙන් වෙන්න ඕනි දේවල් ඉටුකරන්න
isuru Saturday, 15 February 2020 11:51 AM
ඇයි 1500 ක් දෙනවා කියල නේද ඡන්ද ගත්තේ