IMG-LOGO

2025 ජුලි මස 19 වන සෙනසුරාදා


මනිලාල් ප්‍රනාන්දු 6 වැනි දා කෝප් කමිටුවට

(සුජිත් හේවාජුලිගේ )

රුපියල් හය කෝටියකට වැඩි මුදලක් අවභාවිතා කරන ලදැයි කියන සිද්ධියක් සම්බන්ධයෙන් කරුණු විමසීම සඳහා ශ්‍රී ලංකා පාපන්දු සම්මේලනයේ හිටපු සභාපති මනිලාල් ප්‍රනාන්දු මහතා පොදු ව්‍යාපාර පිළිබඳ පාර්ලිමේන්තු කාරක සභාවට ( කෝප්) ලබන 6 වෙනිදා කැඳවා ඇතැයි එම කමිටුවේ සභාපති මහාචාර්ය චරිත හේරත් මහතා පැවසීය.

ඉතාලි පාපන්දු ක්‍රිඩකයන්ගේ සංගමය පරිත්‍යාග කළ රුපියල් ලක්ෂ 60ක මුදලක් හිටපු සභාපති වරයා සිය පෞද්ගලික ගිණුමකට බැර කරගෙන ඇති බවටත් පරිත්‍යාග ලෙස ලැබුණු තවත් රුපියල් පන් කෝටියකට වැඩි මුදලක් අවභාවිතා කර ඇති බවටත් විගණන වාර්තා මගින් තොරතුරු හෙළිවී ඇතැයි ද කෝප් කමිටු සභාපතිවරයා කීය .

මේ දූෂණ වංචා සම්බන්ධයෙන් මනිලාල් ප්‍රනාන්දු මහතාගෙන් දීර්ඝව කරුණු විමසීමට බලාපොරොත්තු වන බවද ඔහු සඳහන් කළේය.

මෙයට අමතරව ශ්‍රී ලංකා පාපන්දු සම්මේලනයේ වර්තමාන ප්‍රධානීන් ද පොදු ව්‍යාපාර පිළිබඳ පාර්ලිමේන්තු කාරක සභාවට ලබන 6 වැනිදා කැඳවීමට එම සභාව තීරණය කර ඇත.

ශ්‍රී ලංකා පාපන්දු සම්මේලනයේ ප්‍රධානීන් කෝප් කමිටුව හමුවට ඉකුත් 22 දා කැඳවා තිබුණද වර්තමාන සභාපතිවරයා එම රැස්වීමට පැමිණ සිටියේ නැත.

මේ අතර චිත්‍රපට සංස්ථාවේ ප්‍රධානීන් කෝප් කමිටුව හමුවට ලබන 5 වැනි දා කැඳවීමට නියමිතව තිබුණත් එය පසුවට කල් දමා ඇතැයි එම කමිටු ආරංචි මාර්ග සඳහන් කරයි.

කෝප් කමිටුව ලබන සතියේ දී එක් දිනක් පමණක් රැස් වීමටද තීරණය කර ඇත .

 



අදහස් (3)

මනිලාල් ප්‍රනාන්දු 6 වැනි දා කෝප් කමිටුවට

Baba Irham Thursday, 29 April 2021 02:58 AM

සල්ලි, සල්ලි, ලොකු ලොකු සල්ලි... මෙව්වට වුණේ මොකක්ද මල්ලි..?

:       0       2

wedage Thursday, 29 April 2021 03:44 AM

මෙන්න නියම කෙනෙක්..

:       1       2

samath Thursday, 29 April 2021 10:30 AM

නමත් මනී, වැඩත් මනී.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 551 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site