(විනීතා එම් ගමගේ)

බි‍්‍රතාන්‍යයේ සිට මෙරටට ගෙන්වා ඇති අපද්‍රව්‍ය සහිත කන්ටේනර් පිළිබඳ වාර්තාවක් ලබා දෙන ලෙස මධ්‍යම පරිසර අධිකාරිය රජයේ රස පරීක්ෂකවරයාගෙන් අද (25) ඉල්ලීමක් කර ඇත.

මධ්‍යම පරිසර අධිකාරියේ පරීක්ෂණ නිලධාරීන් කණ්ඩායමක් අද කොළඹ වරායට ගොස් එම කන්ටේනර් පරීක්ෂා කළ බවත් එම ප‍්‍රදේශයේ ඇති දුඟද එම කන්ටේනර්වලින් හමන බව තහවුරු වූ බවත් මධ්‍යම පරිසර අධිකාරියේ  අධ්‍යක්ෂ ජනරාල් හේමන්ත ජයසිංහ මහතා ලංකාදීපයට පැවැසීය.

නිලධාරින් එම කන්ටේනර්වල දොරවල් ඇර බැලූ අතර එම දොරවල් ඇරිය නොහැකි තරම් දුඟදක් එයින් හමන බවත් එහි අඩංගු දේ ඉවත් නොකර මෙසේ රසපරීක්ෂක වාර්තාවක් ලබා ගැනීමට කටයුතු කළ බව ද හෙතෙම කියා සිටියේය.

කොළඹ වරායේ මේ වනවිට එම අපද්‍රව්‍ය සහිත කන්ටේනර් 102 ක් පවතින බව ද ජයසිංහ මහතා සඳහන් කළේය.