(ඩයනා උදයංගනී)
මාදිවෙල තෙත්බිම් කලාපයේ පරිසර පද්ධතිය ආරක්ෂා කරගැනීම සඳහා නාගරික සංවර්ධන අධිකාරිය මඟින් වැඩසටහන් රැසක් ක්රියාත්මක කර ඇතැයි නාගරික සංවර්ධන අධිකාරියේ සභාපති, විශ්රාමික මේජර් ජෙනරාල් උදය නානායක්කාර මහතා පැවසීය.
මාදිවෙල තෙත්බිම් කලාපය මේ වනවිට අනවසර පදිංචිකරුවන්ගේ ග්රහණයට හසුව පවතින අතර ඔවුන්ගේ වැසිකිලි අපද්රව්ය හා වෙනත් අපද්රව්ය මෙන්ම ප්ලාස්ටික් සහ පොලිතීන් වැනි නොදිරන ද්රව්ය විශාල ප්රමාණයක් ද දෛනිකව මෙම තෙත්බිම් කලාපයට බැහැර කරමින් පවතින බව සභාපතිවරයා සඳහන් කළේය.
සභාපතිවරයා මේ බව පැවසුවේ නාගරික සංවර්ධන අධිකාරියේ දී පැවති මාධ්ය හමුවක් අමතමිනි.
මාදිවෙල තෙත්බිම් කලාපය සත්වෝද්යානයක් බවට පත් කිරීමේ වැඩපිළිවෙලක් පවතින බව ඇතැමුන් කීවත් එහි ඉදිකරන්නේ සතුන්ට නිදහසේ ජීවත්විය හැකි කුරුළු උද්යානයක් බව ද ඔහු පැවසීය.
මෙම තෙත්බිම් කලාපය තුළ දේශීය කුරුළු වර්ග 300 ක් පමණ සිටින අතර පරිසර පද්ධතිය විනාශවීමෙන් එම කුරුළු වර්ග වඳවීයාමේ තර්ජනයක් ඇතිවිය හැකි බව උදය නානායක්කාර මහතා සඳහන් කළේය.
අපද්රව්ය සහ අප ජලය තෙත්බිමට බැහැර කිරීමෙන් එහි ජලාශවල සිටින මසුන් වර්ග හා එහි ඇති ශාක වර්ග ද වඳ වී යෑමේ තර්ජනයක් පවතින බව කී සභාපතිවරයා මාදිවෙල තෙත්බිම් කලාපය නිසිලෙස සංවර්ධනය කිරීමෙන් නව රැකියා අවස්ථා 300 ක් බිහිවන බව ද පැවසීය.
සිදුකර ඇති පරිසර හානිය අවම කර ගැනීම සඳහා මාදිවෙල තෙත්බිම් කලාපය තුළ උණ පඳුරු 4,000 ක්, කුඹුක් ගස් 1,400 ක්, මීගස් 1,100 ක්, ඇඹුල් ඇඹිලිය ගස් 300 ක්, මාදං ගස් 300 ක්, කිරල, පන්, මීවන ශාක, කුකුල් වැල් සහ මාවැල් වැනි ශාක වර්ග ද ඕලු, මානෙල්, නෙළුම් වැනි ජලජ ශාඛ ද සිටුවීම සඳහා සැලසුම් සකස් කර ඇති අතර එම ව්යාපෘතිය තුළ තෙත්බිම ගොඩකිරීමක් නොකෙරෙන බව ද හෙතෙම පැවසීය.
මාදිවෙල තෙත්බිම් ඉඩම්වල සිටින අනවසර පදිංචිකරුවන් දැනට ඉවත් නොකරන අතර ඔවුන් ඉවත් කිරීමට සිදුවුවහොත් නව නිවාස ලබාදීමට පියවර ගන්නා බවත් සභාපතිවරයා කීවේය.
මෙම ව්යාපෘතිය ඉදිරි වසර 02 තුළ අවසන් කිරීමට ද නියමිතය
පොලිස්පතිවරයා පත් කළ ආකාරය සම්බන්ධයෙන් විපක්ෂ නායක සජිත් ප්රේමදාස මහතා ආණ්ඩුක්රම ව්යවස්ථා සභා රැස්වීමේදී අද (26) සිය විරෝධය පළ කර ඇතැයි වාර්තාවේ.
මෙරට ආර්ථිකය නිවැරදි මගකට යොමු කෙරෙන ආර්ථික පරිවර්තන පනත් කෙටුම්පත සම්මත කර ගැනිමට සහාය වූ පාර්ලිමේන්තුවේ සියලු දේශපාලන පක්ෂ වෙත සිය ස්තුතිය පළ කරන බ
දෙමළ ජාතික සන්ධානය ජනාධිපතිවරණයට අපේක්ෂකයකු ඉදිරිපත් නොකරන බව එහි පාර්ලිමේන්තු මන්ත්රී නීතිඥ එම් .ඒ සුමන්තිරන් මහතා පැවසීය.
ශ්රේෂ්ඨාධිකරණය මගින් ලබා දෙන නියෝග ක්රියාත්මක කිරීමට රටේ ජනාධිපතිවරයා හා ව්යවස්ථායකය බැඳී සිටිනවා , පාර්ලිමේන්තු වරප්රසාදවලට මුවා වී එම අධිකරණ
කැබිතිගොල්ලෑව විහාර හල්මිල්ලෑව ගමේ ’’මහ කාඩිගල’’ වැව යටතේ ඇති කුඹුරු යායට පාරක් නොමැති නිසා ගොවීන් දැඩි දුෂ්කරතාවයන්ට මුහුණ දෙන බව මහා කාඩිගල කුඹුර
රටේ තරුණ පරපුර වෙනසක් ඉල්ලා ගාලුමුවදොර අරගලයක් කළ බවත් ඔවුන් ඉල්ලා සිටින වෙනස ලබාදීමට තමන් ඉදිරිපත්ව සිටින බවත් පාර්ලිමේන්තු මන්ත්රී සරත් ෆොන්සේකා
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
මාදිවෙල තෙත්බිම රකින්න වැඩපිළිවෙලක්
සිරිබිරිස් Wednesday, 29 September 2021 05:17 PM
ඒක නං හොඳ වැඩක් . සංවර්ධනය කරල සර්ගේ යාළුවෙක්ට ඕක විකුණලා දානව එහෙම නෙවෙයි ඔන්න.