( තිළිණි ද සිල්වා සහ රංජන් කටුගම්පොළ )

මුදල් ඇමතිවරයා පාර්ලිමේන්තුවට ඉදිරිපත් කර තිබෙන මුදල් සංශෝධන පනත් කෙටුම්පතට සිදුකිරීමට යෝජිත සංශෝධන අඩංගු ලේඛනයක් නීතිපතිවරයා අද ශ්‍රේෂ්ඨාධිකරණය හමුවට ඉදිරිපත් කළේය.

මෙම මුදල් සංශෝධන පනත් කෙටුම්පත ආණ්ඩුක්‍රම ව්‍යවස්ථාවට පටහැනි යැයි සදහන් කරමින් ජනතා විමුක්ති පෙරමුණ , සමගි ජනබල වේගය ,එක්සත් ජාතික පක්ෂය ,නියෝජනය කරන පාර්ලිමේන්තු මන්ත්‍රීවරුන් හා හිටපු මන්ත්‍රීවරුන් ගොනුකර තිබෙන පෙත්සම් 08 ක් අද  දෙවන දිනටත් ශ්‍රේෂ්ඨාධිකරණය හමුවේ කැඳවූ අවස්ථාවේදී නීතිපති වෙනුවෙන් පෙනී සිටි ජ්‍යෙෂ්ඨ රජයේ නීතිඥ නිර්මලන් විග්නේෂ්වරන් මහතා විසින් එම ලේඛනය ඉදිරිපත් කරනු ලැබීය.

ප්‍රියන්ත ජයවර්ධන, කුමුදුනි වික්‍රමසිංහ සහ ශිරාන් ගුණරත්න යන මහත්ම මහත්මීන් සමන්විත ශ්‍රේෂ්ඨාධිකරණ විනිසුරු මඩුල්ල හමුවේ පෙත්සම් සලකා බැලේ.