(යොහාන් භාසුර)

මත්ද්‍රව්‍ය අත්අඩංගුවට ගත් වහාම අධිකරණයට ඉදිරිපත්කර එම මත්ද්‍රව්‍ය සාම්පල කිහිපයක් තබාගෙන මත්ද්‍රව්‍ය විනිසුරුවරයා ඉදිරියේම විනාශ කිරීමට අවශ්‍ය නීති අධිකරණ අමාත්‍යාංශය සහ නීතිපති දෙපාර්තමේන්තුව එකතුව සකස් කරමින් සිටින බව ආරක්ෂක ලේකම් විශ්‍රාමික ජෙනරාල් කමල් ගුණරත්න මහතා පැවසීය.

මෙරට ක්‍රියාත්මක වන මත්ද්‍රව්‍ය ජාලය පාලනය කිරීම හේතුවෙන් රට තුළ මත්ද්‍රව්‍ය හිඟයක් උද්ගත වී ඇති බව සඳහන් කළ ආරක්ෂක ලේකම්වරයා රට තුළ මත්ද්‍රව්‍ය මිල ද ඉහළ ගොස් ඇති බබ ද සඳහන් කළේය.

ප්‍රධාන මත්ද්‍රව්‍ය ජාවාරම්කරුවන් අත්අඩංගුවට ගෙන බන්ධනාගාරගත කිරීම හේතුවෙන් මෙරට තුළ ක්‍රියාත්මත මත්ද්‍රව්‍ය ජාවාරම අඩපණ වී ඇති බවත් මහ පරිමාණ මත්ද්‍රව්‍ය ජාවාරම්කරුවන් බූස්ස අධි ආරක්ෂිත බන්ධනාගාරයේ රඳවා දුකරථන භාවිතය සම්පූර්ණයෙන්ම වළක්වා ඇති බවත් ආරක්ෂක ලේකම් විශ්‍රාමික ජනරාල් කමල් ගුණරත්න මහතා වැඩි දුරටත් පැවසීය.