නාලක සංජීව දහනායක

ඉදිරි මහා මැතිවරණයේ හිටපු ජනාධිපති මෛත‍්‍රීපාල සිරිසේන මහතාට නාමයෝජනා ලබාදීම සම්බන්ධයෙන් ශ්‍රී ලංකා පොදුජන පෙරමුණ තවම තීන්දුවක් ගෙන නැතැයි බලශක්ති රාජ්‍ය අමාත්‍ය රෝහිත අබේගුණවර්ධන මහතා අද (10) පැවසීය.

එමෙන් මහා මැතිවරණය සඳහා ශ්‍රී ලංකා නිදහස් පක්‍ෂය සමඟ එක්ව කටයුතු කරන්නේදැයි තම පක්‍ෂය තවම තීන්දුවක් ගෙන නැතැයි ඔහු කීය.

එහිදී රාජ්‍ය අමාත්‍යවරයා මෙසේද කීය.

එහිදී වැඩිදුරටත් අදහස් දක්වමින් රාජ්‍ය අමාත්‍යවරයා සදහන් කර සිටියේ මහා මැතිවරණයට එක්ව තරග කරනවිට ඇතැම් දිස්ත‍්‍රික්ක සදහා වැඩිපුර අපේක්‍ෂකයන් ඉදිරිපත් කිරීමේ අවස්ථාව තම පක්‍ෂයට ලබාදෙන ලෙසට ශ්‍රී ලංකා නිදහස් පක්‍ෂය ඉල්ලීම් කර ඇති බව කීය.

දිගින් දිගටම එවැනි ඉල්ලීම් ඉදිරිපත් වුවහොත් මහා මැතිවරණයේ දී ශ්‍රී ලංකා නිදහස් පක්‍ෂයට හා ශ්‍රී ලංකා පොදුජන පෙරමුණට වෙන්ව තරග කිරීමට සිදුවනු ඇතැයිද සඳහන් කළේය.

එමෙන්ම මහා මැතිවරණයට එක්ව තරග කළද මෛත‍්‍රීපාල සිරිසේන මහතා ජනාධිපතිධූරය දැරූ සමයේ දී ගත් ඇතැම් තීරණ සම්බන්ධයෙන් විවේචන කිරීමට තම පක්‍ෂයට සිදුවනු ඇති බවද පැවසීය.

බත්තරමුල්ල, නෙළුම් මාවතේ පිහිටි ශ්‍රී ලංකා පොදුජන පෙරමුණු පක්‍ෂයේ ප‍්‍රධාන කාර්යාලයේදී අද (10) පැවති මාධ්‍ය හමුවකට එක් වෙමින් හෙතෙම මේ බව සඳහන් කළේය.