(ජයන්ත සමරකෝන්)

බන්ධනාගාරගතව හිදිමින් පිටත මත්කුඩු ජාවාරමක් හා සංවිධානාත්මක අපරාධ කල්ලි සමඟ සමීප සබඳතා පැවැත්වූ බවට සැකකරන ප්‍රධාන පෙලේ මත්කුඩු ජාවාම්කාර රැඳවියන් තිදෙනකු අඟුණකොළපැලැස්ස ආරක්ෂිත බන්ධනාගාරය වෙත මාරුකර යැවූ බව බන්ධනාගාර මුලස්ථානය පවසයි.

කොළඹ රිමාන්ඩ් බන්ධනාගාරයේ රැඳවියන් දෙදෙනකු හා වැලිකඩ බන්ධනාගාරයේ මරණ දඬුවම නියමවූ රැඳවියකු මේ අතර වන බව බන්ධනාගාර කොමසාරිස් ජනරාල් තුෂාර උපුල්දෙණිය මහතා අද (16) පැවසීය.

බුද්ධි අංශ මගින් ලබාගත් තොරතුරු මත මෙම රැඳවියන් තිදෙනා හඳුනාගත් බවද ඉදිරියටත් එවැනි ජාවාරම්කාර රැඳවියන් සියලුම දෙනා කොළඹ බන්ධනාගාරවලින් පිටත බන්ධනාගාර වෙත මාරුකර යවන බවද උපුල්දෙණිය මහතා වැඩිදුරටත් කීය.

එවැනි රැඳවියන් බූස්ස හා අගුණකොළපැලැස්ස ආරක්ෂිත බන්ධනාගාරවල සිරකුටිවල රඳවා වසා තැබීමට උපදෙස් දී ඇතැයි ද ඔහු කීවේය.