(හිරාන් ප්‍රියංකර ජයසිංහ සහ  එච් චන්දන )

 
රුපියල් ලක්ෂ 10 කට ආසන්න හොරොයින් තොගයක් සමඟ සැකකරුවකු පුත්තලම ජේපි පටුමග ප්‍රදේශයේ දී පුත්තලම කොට්ඨාස විෂ මත්ද්‍රව්‍ය ඒකකයේ නිළධාරින් විසින් අද (29) අත්අඩංගුවට ගනු ලැබීය.

මෙලෙස අත්අඩංගුවට ගෙන ඇත්තේ 25 හැවිරිදි තරුණයෙකි.

අත්අඩංගුවට ගත් සැකකරු හෙරොයින් ලබාදිමේ ජාවාරම මෙහෙයවා ඇත්තේ මිනීමැරුම් චෝදනාවකට මීගමුව බන්ධනාගාරයේ රඳවා සිටින රැඳවියකු බව මේ වන විට කොට්ඨාස විෂ මත්ද්‍රව්‍ය ඒකකය අනාවරණය කරගෙන තිබේ.

මීගමුව බන්ධනාගාරය තුළ සිට කාලයක් තිස්සේ මෙම ජාවාරම සිදුව ඇති බවත් එම රැඳවියා බන්ධනාගාරය තුළ ජංගම දුරකථන මාර්ගයෙන් මෙම ජාවාරම මෙහෙයවා ඇති බව කියයි.මෙම පුද්ගලයාගේ බිරිදගේ සහෝදරියන් හරහා කිසිවකුටත් සැක නොසිතන ලෙස මෙය මෙහෙයවා ඇති බව මූලික විමර්ශන වලදී අනවරණය වී ඇත.

කොට්ඨාස විෂ මත්ද්‍රව්‍ය ඒකකය අදාළ සැකකරු අත්අඩංගුවට ගන්නා අවස්ථාවේදී පවා බන්ධනාගාරයේ සිටි ජාවාරමට සම්බන්ධ රැඳවියා මෙම සැකකරුට දුරකථනයෙන් කථා කර ඇති බව අනාවරණය වී තිබේ.

අත්අඩංගුවට ගත් සැකකරු අද (29) පුත්තලම අධිකරණයට ඉදිරිපත් කිරිමට නියමිතය.

( හිරාන් ප්‍රියංකර )