බැසිල් මැති සබයට ගේන්න පසුපෙළ මන්ත්‍රිවරු කඳවුරු බඳිති

(අජන්ත කුමාර අගලකඩ)

ශ්‍රී ලංකා පොදුජන පෙරමුණේ නිර්මාතෘ ,හිටපු අමාත්‍ය බැසිල් රාජපක්ෂ මහතා ඉතා ඉක්මනින්ම පාර්ලිමේන්තුවට පැමිණිය යුතු බවට ඔහුගෙන් ඉල්ලීමක් කිරීමට ආණ්ඩුවේ පසුපෙළ මන්ත්‍රීවරු අද රැස්වී තීරණය කළහ.

ශ්‍රී ලංකා පොදුජන පෙරමුණේ මාතලේ දිස්ත්‍රික් පාර්ලිමේන්තු මන්ත්‍රී ප්‍රමිත බණ්ඩාර තෙන්නකෝන් මහතාගේ දෙහිවල පිහිටි නිවසේදී මේ පිළිබඳ විශේෂ සාකච්ඡාවක් පැවති අතර, ඊට ආණ්ඩුවේ පසුපෙළ මන්ත්‍රීවරු 36 දෙනෙක් සහභාගි වූහ .

රට දේශපාලන වශයෙන් තීරණාත්මක තැනක තිබෙන මේ මොහොතේ, බැසිල් රාජපක්ෂ මහතා අනිවාර්යෙන්ම පාර්ලිමේන්තුවට පැමිණිය යුතුය යන්න රටේම මතය වී ඇතැයි ද එම මන්ත්‍රීවරු කියා සිටියහ .

ගීතා කුමාරසිංහ මහත්මියද ,නිපුන රණවක,එස් ඒ ඩී ජගත් කුමාර ,ප්‍රමිත බණ්ඩාර තෙන්නකෝන් ,ඉසුරු දොඩන්ගොඩ මිලාන් ජයතිලක,ගුණතිලක රාජපක්ෂ,උදේනි කිරිඳිගොඩ,සම්පත් අතුකෝරල, සංජීව එදිරිමාන්න යන මහත්වරුන් ඇතුළු මන්ත්‍රීවරු 36 දෙනෙක්වූ ඊට සහභාගි වූහ.

එම සාකච්ඡාව පැය එක හමාරක් පමණ පැවති බව වාර්තා වේ

අදහස් (16)

බැසිල් මැති සබයට ගේන්න පසුපෙළ මන්ත්‍රිවරු කඳවුරු බඳිති

Ruhunu Sunday, 27 June 2021 06:57 PM

තව හොරා කන්න වෙන්න ඇති...!!!

: 20 897

සුද්දා Sunday, 27 June 2021 07:43 PM

ගීතා ඇරෙන්න ඔතන ඉන්නේ අද ඊයේ පාර්ලිමේන්තුවට ආව අයයි. ඒ වගේම පිනට පත්කරපු අයත් පිරිලා... සමහරුන් පඩි ගන්න විතරයි එන්නේ...

: 31 303

Prabath Sunday, 27 June 2021 07:56 PM

වැඩි විස්තර ඕනේ නැහැ... පසුපෙළ ගොන්නු..

: 36 664

siri Sunday, 27 June 2021 08:13 PM

දැන්නම් බැසිල් තියා සක්කරයා ගෙනාවත් ගොඩඑන්න බැරි පාටයි පෙනෙන්නේ. අද ආණ්ඩුව බලයට පත් කරන්න දර දිය ඇද්ද අනෙත් ස්වාමින් වහන්සේත් ලුණු ඇඹුල් ඇතුව ආණ්ඩුවට කියලා තියෙනවා ඇඟිලි කනේ ගහගන්නම...

: 0 77

Ranjit Sunday, 27 June 2021 09:22 PM

තමන්ගේ පාස්පෝර්ට් එක වෙනස්කරගන්නවාට වැඩිය ලෙහෙසියි තමන්ට ඔනෑ ආකාරයට රටක ආණ්ඩුක්‍රම ව්‍යවස්ථාව වෙනස් කරගන්නා එක කියල මුළු ලෝකෙටම ඔප්පුකලාානේ ඉතින්. තැනක් නොදී කොහොමද.

: 0 0

bandara Sunday, 27 June 2021 09:22 PM

2015 මහින්ද මහත්තයා සහ පොදු පෙරමුණු රජය පරාජය වීමට බලපෑ ප්‍රධාන හේතු හතරෙන් එකක් බැසිල් රාජපක්ෂ. මෙදා සැරෙත් එතුමා එන එකේ වාසිය ලැබෙන්නේ විපක්ෂයට. මේ රටේ මිනිස්සු ජනාධිපතිතුමා පිලිබඳ පැවති විශ්වාසය දුමින්ද නිදහස් කිරීම සහ බැසිල් ආගමනය සමග නැත්තටම නැති වෙනවා.

: 0 0

naleen Sunday, 27 June 2021 09:51 PM

බැසිල් බැසිල්ට ඕන වේලාවට පාර්ලිමේන්තු එනවා. නිකන් මාධ්‍ය සංදර්ශන මේවා...

: 0 0

Prase Sunday, 27 June 2021 09:59 PM

පාර්ලිමේන්තු යවන්න මහජනතාවගේ ඡන්දයෙන් දිනපු අය, පසුපෙළ ඇමැතිවරුන්ට ඕන විදිහට පාර්ලිමේන්තු ගේන්න පුළුවන් නම් මේ රටට ඡන්දයක් අවශ්‍ය නැහැ..

: 0 0

විපරමා Sunday, 27 June 2021 10:55 PM

පහුගිය කාලේ ආර්ථික සංවර්ධන කරගෙන පැනලා ගිය හැටිත් මතක් වෙනවා.

: 0 0

ලලිත් එම් Sunday, 27 June 2021 11:00 PM

සොරුන්ගෙන් ප්‍රවේසම වෙන්න. ඉස්සර ප්‍රසිද්ධ ස්ථාන වල අලවා තිබූ දැන්වීමක්. අදට හොඳට ගැලපෙනවා. හ්ම් හ්ම් ඔන්න ඉතින්...

: 0 0

Raveendra Monday, 28 June 2021 10:54 AM

සෞභාග්‍යයේ දැක්ම අකුරටම විශ්වය පුරා පැතිරී ගියා

: 0 0

de silva Monday, 28 June 2021 11:39 AM

පසු පෙළ කට්ටිය පළපුරුදු නැති නිසා වෙන්නැති

: 0 0

sharm warn Monday, 28 June 2021 12:50 PM

මොනවද ඉතින්...? අලි බබා සහ හොරු හතළිහ II...

: 0 0

දොලේවත්ත Monday, 28 June 2021 01:09 PM

අපේ ටොමියා වෙනුවෙන් ඔවුන්ගේ වරිගේ අය එකතු වෙලානේ... මොකටද කියලා බැලුවාම අර මෙව්වාටලු...

: 0 2

Nandalal DE SILVA Monday, 28 June 2021 01:35 PM

මල්වානේ මාලිගාව වගේ තව මාලිගා කීයක් හදන්න හදනවද දන්නෑ.. ?

: 0 151

ගිජුලිහිණි සංදේශය Monday, 28 June 2021 03:39 PM

දනා නොම දන්නේ - රටකි මෙය නව පන්නේ , උනා සළු දෙන්නේ - තවෙකෙකු පැළඳ ගන්නේ , විනාසෙට යන්නේ - රටමය බොලන්නේ , ගොනා වණ ගින්නේ - කපුටා මස් ගින්නේ .

: 0 48