බන්ධනාගාරයට හෙරොයින් ගෙන ගිය මවක් අත්අඩංගුවට

(ඩී. ජී. සුගතපාල)

ගාල්ල බන්ධනාගාරයේ, රඳවා සිටින තම පුතුට ලබාදීමට ගෙනගිය කලිසමක වාටියේ හෙරොයින් සඟවාගෙන පැමිණි මවක අද (16) බන්ධනාගාර නිලධාරීන් විසින් අත් අඩංගුවට ගෙන ලැබ තිබේ.

සැකකාර මව තෙල්වත්ත මැටිවල ප්‍රදේශයේ පදිංචිකාරියකි.

මත්ද්‍රව්‍ය චෝදනාවක් සම්බන්ධයෙන් බලපිටිය මහේස්ත්‍රාත් අධිකරණය මගින් රක්ෂිත බන්ධනාගාර ගත කර සිටින තම පුතාට ලබාදීමට ඇය කොට කලිසමක් ගෙනැවිත් තිබූ අතර, එහි වාටියේ සූක්ෂමව සඟවා තිබූ බව නිලධාරීහු පවසති.

බන්ධනාගාර අධිකාරි සේනක පල්ලෙවත්ත මහතාගේ උපදෙස් පරිදි නිලධාරීන් එය පරීක්ෂා කිරීමේදි හෙරොයින් සොයා ගෙන ඇත.

සැකකාරිය අධිකරණයට ඉදිරිපත් කිරීම සඳහා ගාල්ල පොලිසියට බාරදීමට නියමිතය.

අදහස් (2)

බන්ධනාගාරයට හෙරොයින් ගෙන ගිය මවක් අත්අඩංගුවට

wije Monday, 16 December 2019 11:52 AM

ඔතන අපිට නොපෙනෙන පැත්තකුත් තියනවා. මුලින්ම හොයන්න ඕනෑ මේ අම්මාට මේ කොට කලිසම පුතාට ගිහින් දෙන්න කියලා දුන්නේ කවුද කියලා. පුතාගේ යාලුවෙක්ද එහෙමත් නැත්නම් පුතාගේ බිරිඳද...? එහෙමත් නැත්නම් පුතාගේ බොස්ද, එහෙමත් නැත්නම් පුතාගේ සහෝදරයෙක්ද ... යන කාරණා ටික හොයන්න ඕනෑ. මොකද සාමාන්‍යයෙන් අම්මා කෙනෙක් එහෙම කරාවි කියලා හිතන්න අමාරුයි. එහෙම කරන අම්මලාත් ඇති... හැබැයි ගොඩක් අඩුවෙන්. මෙතැනදී අම්මා වරද කරලා නම් පුතාව නිදහස් කළත් අම්මාව නිදහස් කරන්න හොඳ නැහැ. අම්මට හෙරොයින් ලැබුනේ කොහෙන්ද කියලා හොයන්න ඕනෑ.

: 0 15

MaheeMonday, 16 December 2019 12:39 PM

මගේ අම්මෝ විජේ යන දුර...! ඔබ හිතනවද ඔච්චර දුෂ්කර වැඩක් කියලා ඔය කුඩු ටික ආවේ කොහෙන්ද කියලා හොයන එක? නිකමට හිතන්න කිලෝ ගණන් අහුවෙනවා කියලා සතියකට සැරයක්වත් අපි අහන කුඩු ඇල්ලීම් ගැන. ඒවා ආවේ කොහෙන්ද කියලා පොලිසියවත් වෙන බලධාරියෙක්වත් හොයපු බවක් කවදාවත් ආරංචි වෙලා තියෙනවද? කොටින්ම කුඩු රජා යයි කියපු මාකඳුරේ මධුෂ් කෝ දැන්? විජේ, මේවා අපි දැන නොගත යුතු "රාජ්‍ය රහස්"!

: 0 0