2023 අප්රේල් මස 02 වන ඉරිදා
බදුල්ල රෝහලට ආ රෝගීහු කබලෙන් ලිපට
(පාලිත ආරියවංශ)
බදුල්ල මහ රෝහලේ විශේෂඥ වෛද්‍යවරයකුගේ ක්‍රියාකලාපයට විරෝධය පා රජයේ වෛද්‍ය නිළධාරි සංගමය ආරම්භ කළ වැඩවර්ජනයක් හේතුවෙන් බදුල්ල මහ රෝහලේ හදිසි ප්‍රතිකාර සේවා හැර අනෙක් සියලු ප්‍රතිකාර සේවා මුළුමනින්ම නතරවූ බව රෝහල් ප්‍රකාශකයෙක් කීය .
විශේෂඥ වෛද්‍යවරුන් ද මෙම වර්ජනයට එක් වීම නිසා වෛද්‍ය සායන නතරවීමෙන් සායන සඳහා පැමිණි රෝගීන්ද දැඩි අපසුතාවයට පත්විය .
මේ සම්බන්ධයෙන් බදුල්ල මහ රෝහලේ අධ්‍යක්ෂ උපුල් කරුණාරත්න මහතාගෙන් කළ විමසීමකදී පැවසුවේ මෙම වර්ජනය පිළිබදව රජයේ වෛද්‍යනිලධාරින්ගේ සංගමය දැනුම් දී ඇති අතර අනෙක් වෛද්‍යවරුද ඊට සහභාගිවි සිටින බවයි .
