IMG-LOGO

බුද්ධි තොරතුරු නොසළකා හළ වගකිව යුත්තන්ට අධි චෝදනා ගොනු කරන්න

( තිළිණි ද සිල්වා සහ රංජන් කටුගම්පොළ )

 

පාස්කු දින ත්‍රස්ත ප්‍රහාරයක්  එල්ල කිරීම සම්බන්ධයෙන් අදාළ බුද්ධි අංශ අනතුරු අගවා තිබියදීත් අදාළ වගකිවයුත්තන් එය නොසළකා හැරීම සම්බන්ධයෙන්  ඔවුන්ට එරෙහිව අධි චෝදනා  ගොනු කළ යුතු යැයි ඇන්ග්ලිකන් සභාවේ කොළඹ දියෝකීසයේ අගරදගුරු තුමන් වෙනුවෙන් පෙනී සිටින ජනාධිපති නීතීඥ චානක සිල්වා මහතා අද (4) ශ්‍රේෂ්ඨාධිකරණය හමුවේ කීය.   

ප්‍රමාණවත් බුද්ධි තොරතුරු ලැබී තිබියදීත් පාස්කු ඉරුදින එල්ල කෙරුණු ත්‍රස්ත ප්‍රහාරය මැඩ පැවැත්වීමට කටයුතු නොකිරීම තුළින් මූලික අයිතිවාසිකම් කඩ කළැයි චෝදනා කරමින්ට හිටපු ආරක්ෂක ලේකම් හා පොලිස්පති අමාත්‍ය  මණ්ඩල සාමාජිකයින් ඇතුළු පිරිසකට එරෙහිව ගොනුකර තිබූ මූලික අයිතිවාසිකම් පෙත්සම් 12 ක් අද (4) යළි කැඳවනු ලැබූ අතර එහිදී හෙතෙම මේ බව කියා සිටියේය.

මේ ගැන බලධාරීන් දැනගෙන සිටි හෙයින් එය සමාව දිය නොහැකි කරුණක් බවත් , එහෙයින් ඔවුන්ට එරෙහිව අධි චෝදනා වහා ගොනු කළ යුතු යැයි ද ජනාධිපති නීතීඥ චානක සිල්වා මහතා වැඩිදුරටත් කියා සිටියේය.

අතිඋතුම් අගරදගුරු මැල්කම් කාදිනල් රංජිත් හිමිපාණන් වෙනුවෙන් පෙනී සිටි ජනාධිපති නීතිඥ ශමිල් පෙරේරා මහතා ශ්‍රේෂ්ඨාධිකරණය හමුවේ කරුණු දක්වමින් කියා සිටියේ පෙර ලැබුණු බුද්ධි තොරතුරු ලබා දී තිබුණේ නම් පාස්කු ඉරු දින පැවැත්වීමට නියමිතව තිබූ දේව මෙහෙයන් අවලංගු කිරීමට හැකියාව තිබුණු බවත් එසේ කළේ නම් සිදුවූ මහා ඛේදවාචකයක් වළකා ගැනීමට හැකියාව තිබුණු බවයි. 

එහිදී වැඩිදුරටත් කරුණු දැක්වූ ජනාධිපති  නීතිඥ ශමිල් පෙරේරා මහතා කරුණු දක්වමින් නත්තල් දිනයට පමණක් දෙවැනි වන කතෝලිකයින්ට ඉතාම වැදගත් දිනයක් වූ පාස්කු ඉරුදින එල්ල කෙරුණු මෙම ම්ලේච්ඡ ත්‍රස්ත ප්‍රහාරයෙන් මියගිය හා තුවාල ලැබූවන් වෙනුවෙන් යුක්තිය ඉටුකරගැනීම සඳහා අගරදගුරු හිමිපාණන් විසින් මෙම කරුණු දැක්වීම සිදු කරන බවද සඳහන් කළේය.

නඩු විභාගය තවදුරටත් පැවැත්වේ.



අදහස් (6)

බුද්ධි තොරතුරු නොසළකා හළ වගකිව යුත්තන්ට අධි චෝදනා ගොනු කරන්න

චමින්ද ජයනාත් ජයසූරිය Wednesday, 04 September 2019 11:23 AM

ලෝකේ සමහර රටවල නම් මෙහෙම අයට නඩු විභාගයකින් අනතුරුව කෙලින්ම මරණ දඬුවම.. ලෝකේ තවත් රටවල නම් මෙහෙ අයට ජීවිතාන්තය දක්වාම සිර දඬුවම්.. ලොකෙ තවත් රටවල බරපතල වැඩ සහිතව වසර තිහ හතළිහක් සිරගෙට.. පෙර කරුණු දැනදැන අහිංසක ජනයාට මැරෙන්නට ඉඩ හැර රටේ ප්‍රධාන පුරවැසියන්, නිලධාරීන්, බලධාරීන් බලා සිටීම... මට හිතෙන්නේ සහරාන්ලාටත් වඩා කරපු වරදක් කියලා...

:       0       5

DharmasiriWednesday, 04 September 2019 01:24 PM

මට හිතෙන්නේ සහරාන්ලාටත් වඩා කරපු වරදක් කියලා.. ඔබ හරියටම හරි.. මට හිතෙන්නේ සහතිකවම ඉඳුරාම මේ සාහසික හිතාමතා කළ මහා ජන ඝාතනයක්... පුදුමය නම් තවමත් ආණ්ඩුව මේවට අනුබල මිස විරුද්ධව කිසිත් නොකරන එක. ඒ කියන්නේ ත්‍රස්තවාදීන් = ආණ්ඩුව..

:       0       0

Mahee Wednesday, 04 September 2019 11:59 AM

ඇමති මණ්ඩලේ කට්ටියත් ඉන්නවා නම් මං මේ නඩුව අහන්න කැමති නෑ.

:       0       0

rim Wednesday, 04 September 2019 12:32 PM

සහතික ඇත්ත. මේ ඔක්කොම දැනගෙන තමයි බකන් නිලාගෙන ඉඳලා තියෙන්නේ. නීතිය හරිහැටි ක්‍රියාත්මක වුනොත් මේ සේරම ඇතුලේ. එ්ත් අපේ රටේ එහෙම වෙන්නේ නැහැ. පව් අහිංසක මිනිස්සු...!!!

:       0       0

විජිත් Wednesday, 04 September 2019 02:02 PM

එහෙනම් ඉතින් දියවන්නාවේ ඌරු කොටුවම වහන්න වෙනවා.

:       0       0

Prabha Wednesday, 04 September 2019 02:59 PM

තමුන්ගේ ලාභ ප්‍රයෝජනය හැර ගස්ගල් ගානේ උපවාස නොකර අගරදගුරුතුමා නීතියේ පිළිසරණ පැතීම ගැන මගේ ගෞරවාදරය එතුමාට...

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 53 0
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 614 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 128 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site