(නාලක සංජීව දහනායක)

පාස්කු ඉරුදින එල්ලවූ ත‍්‍රස්තවාදී ප‍්‍රහාරය සම්බන්ධයෙන් සොයාබලා ප‍්‍රහාරය පිටුපස සිටින බලවේගවලට දඬුවම් කිරීමට ස්වාධීන පරීක්‍ෂණ කොමිසමක් කඩිනමින් පත්කරන ලෙසට ජනාධිපතිවරයාගෙන් හා අගමැතිවරයාගෙන් ලිඛිතව ඉල්ලා සිටීමට තීරණය කළ බව විපක්‍ෂනායක මහින්ද රාජපක්‍ෂ මහතා අද (7) පැවැසීය.

විපක්‍ෂනායක මහින්ද රාජපක්‍ෂ මහතා මෙසේද සඳහන් කළේය.

පාස්කු ඉරුදින ත‍්‍රස්තවාදී ප‍්‍රහාරය එල්ලවී මේ වනවිට මාස තුනකට අධික කාලයක් ගතවී ඇතත් ඒ සම්බන්ධයෙන් නිසි පරිදි පරීක්‍ෂණයක් සිදුනොවන බව පෙනෙන්නට ඇතැයි ද විපක්‍ෂනායකවරයා කීය.

එබැවින් වැරදිකරුවන්ට දඩුවම් දීම සඳහා රජය ඉක්මණින්ම තීන්දුවක් ගත යුතු බව කී අතර මේ තත්ත්වය තවදුරටත් ඇදෙන්නට දිය නොහැකි යැයි ද විපක්‍ෂනායක මහින්ද රාජපක්‍ෂ මහතා පැවසීය.

පාර්ලිමේන්තුව නියෝජනය කරන කිතුණු ආගමික පාර්ලිමේන්තු මන්ත‍්‍රීවරුන් සමඟ කොළඹ, විජේරාම මාවතේ පිහිටි විපක්‍ෂනායකවරයාගේ නිල නිවසේදී අද (7) පෙරවරුවේ පැවැති සාකච්ඡාවේදී මෙම තීරණය ගත් බවද විපක්‍ෂනායකවරයා කීය.

ඡායාරූප - ඉෂාන් සංජීව