IMG-LOGO

පොලිස් අණ නොතකා ගිය යතුරු පැදියේ දෙදෙනා මරුට

(අජිත්ලාල් ශාන්තඋදය සහ මහින්ද අබේරත්න)

පොලිස් අණ නොතකා ධාවනය වු යතුරු පැදියක් තණමල්විල වැල්ලවාය ප්‍රධාන මාර්ගයේ කිතුල්කොටේ හන්දිය ප්‍රදේශයේදී ලොරි රථයකට ඉස්සර කිරිමට යාමේදී ඉදිරියෙන් ආ වෑන් රථයක ගැටී එහි ගමන්ගත් දහනව හැවිරිදි තරුණයන් දෙදෙනකු මරණයට පත්ව  ඇතැයි තණමල්විල පොලීසිය පවසයි.

මෙලෙස මියගොස් ඇත්තේ තිස්සමහාරාමය, උඩමත්තල පදිංචි ඒ. ඩී. නවින් ලක්‍ෂත අතපත්තු දිසානායක (19) සහ සිරිවර්ධන රම්පාලගේ කවිඳු ලක්‍ෂාන් (19) යන දෙදෙනාය.

මෙම දෙදෙනා ගමන්ගත් යතුරු පැදිය වෑන් රථයේ ගැටීමෙන් පසු පෙරැළී තරුණයන් දෙදෙනා ඉස්සර කරමින් තිබූ ලොරි රථයට යටවී ඇති බව ද පොලීසිය කියයි.

ලුණුගම්වෙහෙර පොලිස් වසමේ ඇල්ලගල හන්දියේ දී එදින රාත්‍රී අටත් අටයි තිහත් අතර දී ලුණුගම්වෙහෙර පොලිස්ථානයේ රථවාහන අංශයේ නිලධාරීන් දෙදෙනෙක් තිස්සමහාරාම දෙස සිට පැමිණි මෙම යතුරුපැදියට නවත්වන ලෙස අණ කර ඇත.

 එහෙත් පොලිස් අණ නොතකා යතුරු පැදිය තණමල්විල දෙසට ධාවනය කර ඇති බව ද පොලීසිය පවසයි.

පොලිස් නිලධාරීන් දෙදෙනා රාජකාරී යතුරු පැදියෙන් පොලිස් අණ නොතකා ධාවනය වෙන යතුරු පැදිය පසුපස හඹාගොස් ඇත. ලුණුගම්වෙහෙර රණවර්ණාව හන්දියේ ඇති පොලිස් මාර්ග බාධකයෙන් ද යතුරු පැදිය නැවැත්වීමට උත්සාහ කළ ද එම අණ ද නොතකා නොනවත්වා ධාවනය කර ඇති බව  තණමල්විල පොලීසිය පවසයි.

පොලිස් නිලධාරීන් දෙදෙනා ලුහුබැඳ එන නිසා තරුණයන් දෙදෙනා ගමන්ගත් යතුරු පැදිය අධික වේගයෙන් ධාවනය කර ඇති අතර තණමල්විල පොලිස් වසමේ කිතුල්කොටේ අලිමංකඩ ආරම්භවන ප්‍රදේශයේ දී ලොරි රථයකට ඉස්සර කරද්දී ඉදිරියෙන් ආ වෑන් රථයක ගැටී යතුරුපැදිය පෙරළී ගමන්ගත් තරුණයන් දෙදෙනා ලොරි රථයට යටවී මියගොස් ඇති බව තණමල්විල පොලීසිය පැවසුවේය.

මෘත දේහයන් කණමල්විල රොහල් මෘත ශරීරාගාරයේ තැන්පත් කර ඇත. තණමල්විල පොලීසිය වැඩිදුර පරීක්‍ෂණ පවත්වයි.



අදහස් (5)

පොලිස් අණ නොතකා ගිය යතුරු පැදියේ දෙදෙනා මරුට

කිරි පුතා Wednesday, 20 October 2021 11:20 AM

වරදක් කර ඇත්නම් පොලිසිය විසින් නීතිය ක්‍රියාත්මක කරනු ඇති. එවිට ඔවුනට දිවි අහිමි වන්නේ නැත. නමුත් තම කර්ම ශක්තීන්ට අනුව සිිත් දෙන්නේ මෙවැනි පළායාමකටය. සසරේ ඔවුන් කළ විදිහටම විපාක ලැබී ඇත.

:       4       35

Bamunuarachchi Wednesday, 20 October 2021 12:05 PM

ෂාහ් අපරාදේ වෑන් එකේ පැත්තක් තැලුනා.

:       5       17

ganegoda Wednesday, 20 October 2021 12:57 PM

මොකද ඔය තරම් හදිස්සි වෙලා තිබුනේ ?

:       0       12

BamunuarachchiWednesday, 20 October 2021 07:47 PM

මේ ලෝකෙට එව්වේ යහපත් වැඩ ටිකක් කරන්න නීති ගරුකව ජීවත් වෙන්න. එසේ ජීවත් නොවන නිසා පොඩ්ඩක් රිද්දවලා ආපසු කැඳවා ගත්තා. ඒ වෙනුවට වෙන දෙන්නෙක් ඒවි. ආමේන්...!

:       1       2

janahitha Wednesday, 20 October 2021 02:47 PM

පොලීසියේ දෙන්නා ඉන්නවද

:       0       3

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 252 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 780 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1200 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site