(එස්. ඩි. කොඩිකාර)

කොටපොළ මෙදේරිපිටිය පොද්දන යාකරන කිරිවැල්දොළ ගඟ හරහා ඇති පාලමෙන් ගමන් ගත් කළුගල් පැටවූ ලොරි රථයක්  පාලමේ කොන්ක්‍රීට් තහඩුව කඩාගෙන ටිපර් රථය සමඟ අඩි 30 ක් ගැඹුරු ගගට කඩා වැටී ඇතැයි දෙනියාය පොලිසිය කියයි.

අනතුර සිදු වන අවස්ථාවේ ටිපර් රථය කොන්ක්‍රිට් ගල් අඩක් පටවා ගෙන රියදුරු පමණක් ගමන් කර ඇති අතර අනතුරින් රියදුරුට හානියක් සිදු වී නොමැති බව පොලිසිය කියයි .

සිංහරාජයේ සිට පිටදෙණියට ගමන් කළ හැකි පිවිසුම් මාර්ගද මෙය වන අතර මේ හේතුවෙන් සංචාරකයින්,පාසල් ළමුන් ඇතුළු ගම්වාසීන් දැඩි දුෂ්කරතාවකට පත්ව සිටින බව ගම්වාසීහු පවසති.

දිගින් අඩි 160 ක් පමණ වන මෙම පාලමේ පසු ගිය කාලේ ඇති වූ ගංවතුරට පාලමේ මැද කණුවක් ගගට කඩාගෙන වැටුණු බව ගම්වාසීන් පවසයි .

ඒ හේතුවෙන් එහි වාහන ගමනාගමනය අවදානම් තත්ත්වය පැවති හෙයින් කොටපොළ ප්‍රාදේශීය සභාව මගින් පාලම දෙකොනේ යකඩ බට යොදා වෑද්දුම් කර වාහන ගමනාගමනය නවතා තිබූ බවත් එය පසුව කිසියම් පිරිසක් විසින් කඩාදමා දමා පාලම මතින් අවදානම නොතකා වාහන ගමන් කර ඇති බව කොටපොළ ප්‍රාදේශීය සභාවේ සභාපති දයානන්ද අබේවික්‍රම මහතා කීය.

මේ ස්ථානයේ නව පාලමක් ඉදි කිරීම සඳහා මුල් ගල් තැබීම සඳහා මාතර දිස්ත්‍රික් පාර්ලිමේන්තු මන්ත්‍රී දිස්ත්‍රික් සම්බන්ධීකරණ කමිටු සභාපති නිපුණ රණවක මහතාගේ ප්‍රධානත්වයෙන් ලබන පෙබරවාරි මස සිදු කිරීමට නියමිතව තිබුණි .