(අංජුල මහික වීරරත්න සහ සුජිත් හේවාජුලිගේ)

මුදල් ඇමති අයවැය විවාද අවස්ථාවල දී පාර්ලිමේන්තුවේ සිටීම සම්ප්‍රදායක් බව හිටපු අග්‍රාමාත්‍ය සහ එක්සත් ජාතික පක්ෂ පත්කළ මන්ත්‍රී රනිල් වික්‍රමසිංහ මහතා පාර්ලිමේන්තුවේ දී අද පැවසීය.

විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා අයවැය විවාදයට සහභාගී වෙමින් තමා නගන ප්‍රශ්න වලට පිළිතුරු දීමට මුදල් ඇමතිවරයා සභාවේ නැතැයි පැවසීය.

හිටපු අග්‍රාමාත්‍ය රනිල් වික්‍රමසිංහ මහතා (එජාප) :-

මුදල් ඇමැති අයවැය විවාද අවස්ථාවේදී මෙහි සිටිය යුතුයි.ඒක සම්ප්‍රදායක් ලෙස පවතින දෙයක්. හෙට සිට හෝ මෙහි පැමිණෙන්නැයි මුදල් ඇමතිට ආරාධනා කරමු.රොනී ද මෙල් ගේ සිට සෑම මුදල් ඇමති කෙනෙක්ම අයවැය විවාද සඳහා මුදල් ඇමැතිමෙහි පැමිණ තිබෙනවා.

ව්‍යාපාර සංවර්ධන රාජ්‍ය අමාත්‍ය අමාත්‍ය ෂෙහාන් සේමසිංහ මහතා :-

ප්‍රශ්නයක් තිබෙනවා නම් අහන්න .මම උත්තර දෙන්නම්.