‘පාර්ලිමේන්තුවම රාජපක්ෂවරුන්ගෙන් පිරෙව්වත් ජනතා ප්‍රශ්නවලට පිළිතුරු නෑ‘

(නිමල කොඩිතුවක්කු )

සමස්ත පාර්ලිමේන්තුවම රාජපක්ෂවරුන්ගෙන් පිරෙව්වත් ජනතා ප්‍රශ්න වලට ලැබෙන පිළිතුරක් නොමැති බව අද වන විට ඔප්පු වී ඇතැයි පාර්ලිමේන්තු මන්ත්‍රී හේෂා විතානගේ මහතා  කොළඹ දී අද පැවසීය.

කැබිනට් මණ්ඩලයේ බහුතරයක් රාජපක්ෂවරුන්ගෙන් පිරී තිබුනත් රටේ ආර්ථික, සංවර්ධන, අධ්‍යාපන, කෘෂිකර්මාන්තය, සෞඛ්‍ය ආදී සියලු ශ්‍රේෂ්ඨ මේ වන විට කඩාවැටීමකට ලක්ව ඇති බවත් මන්ත්‍රීවරයා සඳහන් කළේය.

කොළඹ මාක්ස් ප්‍රනාන්දු මාවතේ පිහිටි විපක්ෂනායක කාර්යාලයේ පැවති මාධ්‍ය හමුවකදී අදහස් දක්වමින් ඔහු මේ බව පැවසීය.