(නිමන්ති රණසිංහ )

යුධසමයේ එල්ටීටීඊ  ත්‍රස්තවාදීත් විසින් මතු ප්‍රයෝජනය සඳහා ඉතා සූක්ෂම අයුරින් සඟවා තබන ලද  හදුනා නොගත්  බොම්බ 21ක් සහ  මෝටාර්  උන්ඩයක් පොලිස්  විශේෂ කාර්ය බලකාය විසින් ඊයේ (28) පුදිකුඩිඉරිප්පු උඩයාර්කට්ටු කැලෑ ප්‍රදේශයේ දී අත්අඩංගුවට ගැන ඇත .

මුලතිව් නාවික හමුදා කදවුරේ බුද්ධි අංශ නිලධාරීන්ගෙන් ලද තොරතුරකට අනුව ඊයේ 28 පෙරවරුවේ පුදිකුඩිඉරිප්පු පොලිස් වසමේ උඩයාර්කට්ටු කැලෑ ප්‍රදේශයේ දී  විශේෂ කාර්ය  බලකා මුලතිව් කඳවුරේ නිලධාරීන් මෙම  වැටලීම සිදු කළ බව පොලිස් විශේෂ කාර්ය බලකාය සඳහන් කරයි .

අත්අඩංගුවට ගත් බෝම්බ සහ මෝටාර් උණ්ඩය නිෂ්ක්‍රීය කර විනාශ කිරීම සදහා අධිකරණ නියෝගයක් ලබා ගන්නා තෙක් පුදිකුඩිඉරිප්පු පොලිස් ස්ථානයට භාරදී ඇතැයිද විශේෂ කාර්ය බලකාය සඳහන් කරයි.

විශේෂ කාර්ය බලකායේ අණදෙන නිලධාරී  නියෝජ්‍ය පොලිස්පති  වරුණ ජයසුන්දර මහතාගේ අධීක්ෂණය යටතේ උතුරු පලාත් භාර ජේෂ්ඨ පොලිස් අධිකාරි  ඩි.ඩි.කේ හෙට්ටිආරච්චි  මහතාගේ  මෙහෙයවීමෙන් මුලතිව් විශේෂ කාර්යය බලකා දෙවන කදවුර අණදෙන නිලධාරී  පොලිස් පරික්ෂක. ආර්.ඒ.පී.ටී. රණතුංග ඇතුළු නිලධාරීහු කණ්ඩායමක් මෙම මෙහෙයුම සිදු කරනු ලැබූහ.