2025 මාර්තු මස 20 වන බ්‍රහස්පතින්දා
(හර්ෂණ තුෂාර සිල්වා)
නෙළුම් කුලුන ඉදිකිරීම සඳහා අත්තිකාරම් වශයෙන් ශ්රී ලංකා විදුලි සංදේශ නියාමන කොමිසම ඇමෙරිකානු ඩොලර් 15,644,980ක් (රුපියල් 2,832,567,781.65) ගෙවූ බවත් එම සම්පූර්ණ මුදල කුලුන ඉදිකිරීමේ කටයුත්ත සඳහා පමණක් යොදාගත් බවත් ඒරෝස්පේස් ලෝන්ග් මාච් ඉන්ටර්නැෂනල් ට්‍රේඩ් සමාගම (ඇලිට්) නිවේදනයක් නිකුත් කරමින් කියා සිටී.
චීනයේ එක්ස්පෝට්-ඉම්පෝට් බැංකුව හරහා ශ්රී ලංකා විදුලි සංදේශ නියාමන කොමිසම 2012 වසරේ ඔක්තෝබර් 9 වැනිදා චයිනා නැෂනල් ඉලෙක්ට්‍රොනික්ස් ඉම්පෝටර්ස් සහ එක්පෝටර්ස් කෝපරේෂන් (සී.ඊ.අයි.ඊ.සී) සමාගමේ ගිණුමට අදාළ අත්තිකාරම් මුදල ගෙවා ඇතැයි ද ඇලිට් සමාගම නිකුත් කළ නිවේදනයේ දැක්වේ.
නෙළුම් කුලුන ඉදි කිරීම සඳහා 2010 වසරේ අගෝස්තු මාසයේදී සී.ඊ.අයි.ඊ.සී සමාගම සමඟ එක්ව එක් සමාගමක් ස්ථාපිත කළ බව ද ඇලිට් සමාගම සඳහන් කරයි. නෙළුම් කුලුන ඉදිකිරීමේ ව්‍යාපෘතියට අත්සන් තැබුවේ 2012 වසරේදී බවත් 2015 වසරේදී කුලුන ඉදිකිරීමේ ඉදිරි කටයුතුවල පූර්ණ වගකීම සී.ඊ.අයි.ඊ.සී ලබාදුන් බවත් ඇලිට් සමාගම සිය නිවේදනයේ සඳහන් කර ඇත. එය ජාත්‍යන්තර ව්‍යාපාරික පිළිවෙත්වලට අනුකූල බව ද ඇලිට් සමාගම සිය නිවේදනයෙන් පෙන්වා දී ඇත.
නෙළුම් කුලුන විවෘත කිරීම ව්‍යාපෘතියේ සුවිශේෂී සංධිස්ථානයක් බවත් එපමණක් නොව එය ශ්රී ලංකාව සහ චීනය අතර තිබෙන මිත්‍රශීලි සහයෝගීතාවයේ සංකේතයක් බවත් ඇලිට් සමාගම සඳහන් කර ඇත. රාජ්‍ය සමාගමක් වන අප සමාගම රටවල් 40කට වැඩි සංඛ්‍යාවක ක්‍රියාත්මක වන බවත් පාරිභෝගිකයන්ගේ ඉහළම විශ්වාසය දිනාගෙන ඇති බවත් ඇලිට් සමාගම තවදුරටත් සඳහන් කර ඇත.
ශ්රී ලංකාව සහ චීනය අතර තිබෙන මිත්‍ර සබඳතා පෝෂණය කරන අතර ඉදිරියේදීද ශ්රී ලංකාවේ ආර්ථික සහ සංවර්ධන කටයුතුවලට සම්බන්ධ වන බව ද ඇලිට් සමාගම වැඩිදුරටත් සිය නිවේදනයේ සඳහන් කර ඇත.
නෙළුම් කුලුන ඉදි කිරීම සඳහා ත්‍රෛපාර්ශවීය ගිවිසුමකට අත්සන් තැබූ බවත් ඉන් එක් සමාගමක් පිළිබඳ කිසිදු තොරතුරක් නැති බවත් කුලුන ඉදි කිරීම සඳහා අත්තිකාරම් වශයෙන් ගෙවූ රුපියල් කෝටි 200ක් අතුරුදන් වී ඇති බවත් ජනාධිපති මෛත්‍රීපාල සිරිසේන මහතා ඉකුත් දා චෝදනා කළේය. නෙළුම් කුලුන ඉදි කිරීමේ අවස්ථාවට එක්වෙමින් ජනාධිපතිවරයා ඒ බව සඳහන් කළේය.
මේ සම්බන්ධයෙන් චීනයේ ශ්රී ලංකා තානාපති ආචාර්ය කරුණාසේන කොඩිතුවක්කු මහතා ද කරුණු පැහැදිලි කරමින් නිවේදනයක් නිකුත් කළ අතර ඇලිට් සමාගම වෙනත් ස්ථානයක තිබෙන බව එම නිවේදනයේ දැක්විණි. මේ සම්බන්ධයෙන් වැඩිදුර තොරතුරු ඉදිරියේදී නිකුත් කරන බවද කරුණාසේන මහතා සිය නිවේදනයේ වැඩිදුරටත් සඳහන් කර තිබිණි.
නුවරඑලිය දිස්ත්‍රික්කයේ පළාත් පාලන ආයතන 12ක් සදහා ලබා දුන් නාමයොජනා පත්‍ර 26ක් ප්‍රතික්ෂේප වූ බව නුවරඑලිය දිස්ත්‍රික්කයේ තේරිම් භාර නිළධාරි තුෂාරි තෙ
2025 පළාත් පාලන මැතිවරණයේදි මාතලේ පළාත් පාලන අයතන 13ක් සදහා පිළිගත් දේශපාලන පක්ෂ හා ස්වාධින කණ්ඩායම්වලින් නාම යෝජනා පත්‍ර 14ක් ප්‍රතික්ෂේප වූ බව මාතලේ තේර
තිනියාවල පොලිස් වසමේ 07 කණුව උපේක්ෂා පෙර පාසල අසල දී අද සවස සිදු වූ රිය අනතුරකින් බරපතල තුවාල ලබා පුද්ගලයින් 05 දෙනෙකු මීගහතැන්න මූලික රෝහල වෙත ඇතුලත් කර
රටට ආයෝජකයන් එන විට දැන් විරෝධතා බෝඩ් අල්ලන්නට කවුරුත් නැති නිසා කඩිනමින් ආයෝජන ගෙන්වා ගැනීමට කටයුතු කරන්නැයි පත් කළ මන්ත්‍රී රවී කරුණානායක මහතා:-(න.ප
බැඳුම්කර සිද්ධිය ගැන පරීක්ෂණ පැවැත්වෙන අතරතුරේදී මෙන්ඩිස් අරක්කු සමාගම සමගි ජන බලවේගයේ සුජීව සේනසිංහ, හර්ෂණ රාජකරුණා සහ දයාසිරි ජයසේකර ඇතුළු පිරිසක
පරණ ක්‍රමයෙන් අයුතු ප්‍රතිලාභ ලැබූ අය හැර සමාජයේ සියලු ජන කොටස් අයවැයෙන් සතුටට පත්ව ඇතැයි අග්‍රාමාත්‍ය ආචාර්ය හරිනි අමරසූරිය මෙනවිය පාර්ලිමේන්තුවේ
2025 මාර්තු මස 07
458
1
දේශයේ ආරක්ෂකයා ලෙස ශ්රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ්රී ලංකාවේ පවතින වඩාත්ම උපයන රාජ්‍
ඇතැම් මිනිසුන් ගෙන් නික්මෙන ප්‍රභාව බොහෝ ප්‍රිය මනාප ය. ඔවුන්ව දැකීම පවා මහත් සැනසීමක් ගෙන දෙනු ඇත. ඔවුන් සමීපයෙහි සිටින කළ මහත් සැනසීමක්, සුවදායක බවක්
2025 පෙබරවාරි මස 27
352
1
ශ්රී ලාංකික රසවතුන්ගේ විශ්වාසය දිනූ “ස්කෑන් ජම්බෝ පීනට්ස්”සිය පාරිභෝගික භවතුන් වෙත හරසර දක්වමින් 8 වැනි වරටත් සංවිධානය කළ “ස්කෑන් ජම්බෝ බොනැන්සා”ස
නෙළුම් කුලුන ගැන ඇලිට් සමාගමෙන් නිවේදනයක්
rim Sunday, 22 September 2019 11:24 AM
කොහොමහරි දැන් අපට තමයි මේ සේරටම වන්දි ගෙවන්න වෙලා තියෙන්නේ . මේ වගේ චෝදනාවක් කරන්න කලින් හොයල බැලුවේ නැද්ද??? දැන් තානාපති කාර්යාලයත් කියනවනේ එහෙම සමාගමක් තියෙනවා කියල ? අනේ අපේ අයගේ වැඩ.
KalanSunday, 22 September 2019 12:29 PM
මහින්දලාගේ පැත්තෙන් කිව්වේ එහෙම සමාගමකට මුදල් ගෙව්වේ නැහැ කියලා. දැන් මේ සමාගම කියනවා එයාලට මුදල් ගෙව්වා කියලා.
naweenSunday, 22 September 2019 06:04 PM
ආපහු නිවේදනය මුලසිට කියවන්න.
chandakaMonday, 23 September 2019 03:19 AM
"(සී.ඊ.අයි.ඊ.සී) CEIEC සමාගමේ ගිණුමට අදාළ අත්තිකාරම් මුදල ගෙවා ඇතැයි (ඇලිට්) ALIT සමාගම නිකුත් කළ නිවේදනයේ දැක්වේ "යනුවෙන් ඉහත සඳහන් වෙන්නේ . ALIT සමාගමට මුදල් ලැබී නැත .
aligeshanMonday, 23 September 2019 05:57 AM
නෙළුම් කුලුන ඉදි කිරීම සඳහා 2010 වසරේ අගෝස්තු මාසයේදී සී.ඊ.අයි.ඊ.සී සමාගම සමඟ එක්ව එක් සමාගමක් ස්ථාපිත කළ බව ද ඇලිට් සමාගම සඳහන් කරයි. චීනයේ එක්ස්පෝට්-ඉම්පෝට් බැංකුව හරහා ශ්රී ලංකා විදුලි සංදේශ නියාමන කොමිසම 2012 වසරේ ඔක්තෝබර් 9 වැනිදා චයිනා නැෂනල් ඉලෙක්ට්‍රොනික්ස් ඉම්පෝටර්ස් සහ එක්පෝටර්ස් කෝපරේෂන් (සී.ඊ.අයි.ඊ.සී) සමාගමේ ගිණුමට අදාළ අත්තිකාරම් මුදල ගෙවා ඇතැයි ද ඇලිට් සමාගම නිකුත් කළ නිවේදනයේ දැක්වේ.
BamunuarachchiSunday, 22 September 2019 01:28 PM
කෝ මෙතැන ගොබ්බ අදහස් ලියපු කට්ටිය? සිරිසේන වගේ කවිකොළ කාරයෙක්ගේ කතාවක් අහගෙන හතරවටේටම මඩ ගහලා දැන් සියලුම මුඛයන් වහගෙන ඉන්නවා. තමන්ට තමන්ගැනම ලැජ්ජා හිතෙන්නේ නැද්ද? මෙහෙම ලණු කනවට...
NissankaSunday, 22 September 2019 07:56 PM
බමුණෝ තමුන්ට ලැජ්ජාවක් නැද්ද වහලෙක් වගේ රාජපක්ෂ නඩේ කිලිටි හෝදන්න?
NissankaSunday, 22 September 2019 08:04 PM
දැන් අනිත් සමාගම කියයි නෑ අපි තමයි හැදුවේ කියලා. එකම කුලුන කොහොමද සමාගම් දෙකකින් හැදුවේ?
Nissanka Sunday, 22 September 2019 11:32 AM
එතකොට මෙයාලා හදපු කුළුණ කොහෙද තියෙන්නේ? මැදමුලනද?
රවින් Sunday, 22 September 2019 12:04 PM
අර මොනවද හත් පොලේ ගාගත්ත එක්කෙනා තමයි ඔය නාගන්න හදන්නේ... එ් හින්දා කවුරු කවුරුත් ටිකක් ඈත්වෙලා ඉන්න එක හොඳයි. බළල්ලු දී කිරට සාක්කි දෙනවා වගේ එයාගේ කියුම් අනුමත කරන අයත් ඉන්නවා. ඒ ඉතින් දැන් දන්නෝ දනිති.
හේරත් Sunday, 22 September 2019 12:07 PM
කවුරු ඇත්ත කියයිද - කවුරු බොරු කියයිද නොදනිමු. ඕනෑම කෙනෙකුට ඕනෑම දෙයක් කිව හැකිය. එක දෙයක් පැහැදිලියි. රටේ ධනය දේශපාලකයින් සොරා කන බව පරම සත්‍යයකි. ඔවුන් සොරා කෑ දෙය අපි උපන් දින සිට මැරෙන තෙක් ගෙවමු...!
Prabha Sunday, 22 September 2019 03:11 PM
එහෙම දෙයක් වුණා නම් සොයාබලා අධිකරණයට යන්නේ නැතිව, වාචාලකමට කියවනවට හොඳ පාඩම...
isuru Sunday, 22 September 2019 03:22 PM
බඩුත් හාමුදුරුවන්ගේ, නඩුත් හාමුදුරුවන්ගේ ඉතින් කාට කියන්දෝ මේ නඩු...
kalim Sunday, 22 September 2019 03:24 PM
රාජපක්ෂලා වන්දනාවේ යන රටක වෙන මොනවද මීට වැඩියෙන් හිතන්න තියෙන්නේ... !!!
jinasiri Sunday, 22 September 2019 03:25 PM
අලිට් සමාගමෙන් නිවේදනයක් යනු හොරාගේ අම්මගෙන් පේන අහනවා වගේ වැඩක්...!!!
Chanak los angelesSunday, 22 September 2019 11:11 PM
ඇත්ත ...හොරකම වෙලා ඉවරයි ගහපු මුදලේ ණය වාරිකය කොහොමත් රජය ගෙවනවානේ .ඉතින් එම සමාගම් සාටකයන් කියන ඕනෑම දෙයක් කියයි .
kamalani Sunday, 22 September 2019 03:49 PM
වහාම මේ සම්බන්ධව සොයන්න ජනාධිපති විශේෂ කොමිසමක් පත් කළ යුතුයි කියා මම යෝජනා කරමි.
tharidu Sunday, 22 September 2019 03:51 PM
කෝප් කමිටුව ඉක්මණින් මේ සම්බන්ධව විමර්ශනයක් කළ යුතුයි.
irshan Sunday, 22 September 2019 03:55 PM
හැකි ඉක්මණින් පාර්ලිමේන්තු කාරක සභාවත් පත්කොට මෙය විමර්ශනයක් කළ යුතුමයි කියා යෝජනා කරමි..
jagath Sunday, 22 September 2019 03:58 PM
ලෝකේ 19 වන උසම රාජපක්ෂ කොමිස් කුලුන
indikaMonday, 23 September 2019 03:51 AM
ජගත්, ඔයාට ගොඩක් දුකයි වගේ. ගහන මඩ එකක් වත් හරියන්නේ නැති කොට. මේකේ කොහෙද කොමිස් ගත්ත බවක් කියවෙන්නේ ? ගහන මඩ ඔක්කොම තමන්ටම කැරකිලා එනවා. පේනවනේ ඇවන්ගාඩ් සම්බන්ධ කරලා රාජපක්ෂලාට ගහන්න ගියාම මඩ. දැන් නාගෙන ඉන්නේ. පව් යූ.ඇන්.පී. කට්ටිය.
Nandalal DE SILVA - France Sunday, 22 September 2019 06:07 PM
ඔන්න බොලේ අපේ සිරිසේන ජනාධිපතිතුමත් නූල් පන්දුවක් මැද්දට හිරවෙලා වගෙයි ! අග මුල නොපෙනෙන ජන්ජාලයකට අපේ ජනපතිගේ අවසන් සති කිහිපය දමන්න පිහිට උන අයට දැන් සතුටින් කිරිබත් කන්න පුළුවන් වෙයි !!
Chanak los angeles Sunday, 22 September 2019 11:07 PM
දැන් සාටකයන්ගේ ගැහිල්ල වහගන්න ඒ සමාගම් පොළඹවනවා . හොඳට මේ ප්‍රවුර්තිය කියවන්න මහින්ද කියපු එකයි මේ සමාගම කියන දෙයයි කොපමණ වෙනස්ද ?
යාපා Monday, 23 September 2019 12:34 AM
මඩ ගහන්න ගිහින් හත්පොලේ ගාගත්ත මහත්තුරුයි ඒවා ඔලු උඩ තියාගෙන පිලිගත්ත අම්බරුවන් ගැනයි ශෝකය ප්‍රකාශ කරමි
vipula Monday, 23 September 2019 04:51 AM
මේ සියලු ප්‍රශ්න වලට වැරදි කරුවන් වන්නේ ඡන්දෙ දීපු ජනතාව. හරි හමන් පුද්ගලයෙක් රටේ නායකත්වයට යැවීම ජනතාවගේ වගකීමක්. නැත්නම් මේ සර්වජන ඡන්දබලය විහිළුවක් වෙනවා .
sharm warn Monday, 23 September 2019 09:44 AM
කොමිස් ගහගන්න එව්වා කොහොමත් අඩුවක් නැතුව කරගත්තා හැබැයි අනුන්ගේ නමින් .. ඒ නිසා මේ සම්මජ්ජාතියේදී අල්ලනු බොරු .. ඒවා හොයන්නවත් ඒ ගැන කතා කරන්නවත් කාලේ වැය කරන එක අපරාධයක් .. කළ යුත්තේ මොලේ පාවිච්චි කරලා ඔවුන්ට බලය ගන්න ඉඩ නොදෙන එක .. හිතන්න එපා ඔය කවුරුවත් රටේ ආරක්ෂාව ගැන බලයි කියලා ..
jagath Monday, 23 September 2019 02:47 PM
ඉන්දික අපි නාගානන්ද මැතිතුමාගේ මතය දරන උදවිය... යූ.එන්.පී කාරයොත් හොරුන්, රාජපක්ෂලා ඇතුළු වහල්ලුත් හොරු.... ඉන්දික ඕක ලෝකයේ 19 වැනි උසම කොමිස් කුළුණ වේ.