යාපනයේ සංචාරයක නිරත වූ ශ්‍රී ලංකාවේ නෝර්වේ තානාපති තුර්බියොන් ගවුස්ටාඩ්සාතර් මහතා උතුරු පළාත් ආණ්ඩුකාර සුරේන් රාගවන් මහතා හමු වී සාකච්ඡා පැවැත්වීය.

ශ්‍රී ලංකාවේ නෝර්වේ තානාපති තුර්බියොන් ගවුස්ටාඞ්සාතර් මහතා සිය යාපනය සංචාරය අතරතුරදී උතුරු පළාත් ආණ්ඩුකාර සුරේන් රාගවන් මහතාට අමතරව යාපනය ආරක්ෂක බලකා මූලස්ථාන අණදෙන නිලධාරී මේජර් ජෙනරාල් දර්ශන හෙට්ටිආරච්චි හා උතුරු පළාත් මහලේකම් ඒ. පතිනාතන් ඇතුළු නිලධාරීන් ද මුණ ගැසී සාකච්ඡා පැවැත්වීය. 

තානාපතිවරයා සිය සංචාරයේදී ජස්ටින් බර්නාඩ් ඥාණප්‍රගාසම් යාපනය අග-රදගුරුතුමා ද හමුවිය. 

ශ්‍රී ලංකාවේ නෝර්වේ තානාපතිවරයා එම සංචාරයේදී ‘සුපිරිසුදු බලශක්ති හා සෞඛ්‍ය යෙදවුම් සඳහා උසස් මූලද්‍රව්‍ය’ යන තේමාව යටතේ යාපනයේ පැවැති ජාත්‍යන්තර සමුළුවේ ප්‍රධාන ආරාධිත අමුත්තා ලෙස ද සහභාගී විය.
 
බටහිර නෝර්වේ ව්‍යවහාරික විද්‍යා විශ්ව විද්‍යාලය සහ යාපනය විශ්ව විද්‍යාලය එක්ව එම සම්මේලනය සංවිධානය කර තිබිණි. 
 
(055)