2026 ජනවාරි මස 01 වන බ්රහස්පතින්දා
බිඟුන් මේනක ගමගේ
නීති විද්යාලයේ මෙතෙක් කලක් විභාග පැවැත් වූ ක්රමවේදය වෙනස් කිරීමෙන් සිසුන් දැඩි අසීරුතාවකට පත්ව ඇති බව කියමින් ශ්රී ලංකා නීති ශිෂ්ය සංගමය අගවිනිසුරු ජනාධිපති නීතිඥ ජයන්ත ජයසූරිය මහතාට ලිපියක් යොමුකර ඇත.
විභාගයේ පවතින තරගකාරීත්වය නිසා අධ්යයන වසර සමත්වීමට පනවා ඇති කොන්දේසි සැපිරීමට අසමත් වන සිසුන්ට පැවැත්වූ සහනශීලී විකල්ප විභාග හදිසියේම අහෝසි කිරීමෙන් මෙම ප්රශ්නය පැන නැග ඇති බව ශ්රී ලංකා නීති ශිෂ්ය සංගමය සිය ලිපියෙහි දක්වා ඇත.
නීති විද්යාලයේ පවතින විභාග ක්රමය යටතේ විෂය අටකට අදාළව ප්රශ්න පත්ර සකස් කරන බව ද අධ්යයන වර්ෂය සමත්වූවකු සේ සැළකීමට නම් අදාළ විෂය අටෙහි ලකුණු එකතුවේ සාමාන්ය 50% ක් ද ඒ එක් එක් විෂයකට ලකුණු 40 ඉක්මවා ලබාගත යුතු බව ද එහි සඳහන් වේ.
එහෙත් මෙම ඉලක්ක සැපිරීමට අසමත් වන සිසුන්ට දින දහයක් ඇතුළත පැවැත්වෙන විකල්ප විභාගයක් මෙතෙක් කලක් පැවතුණ බවත් පසුගිය මාර්තු මාසයේ කළ හදිසි නිවේදනයකින් පසුව එය අහෝසි කර ඇති බවත් ශ්රී ලංකා නීති ශිෂ්ය සංගමය චෝදනා කරයි.
මෙම තත්ත්වය විස්තර කරමින් වෙනම විශේෂ වාර්තාවක් සකස් කිරීමට ද එම ශිෂ්ය සංගමය කටයුතු කර ඇති අතර එහි පිටපතක් ද අගවිනිසුරු ජනාධිපති නීතිඥ ජයන්ත ජයසූරිය මහතාට යොමු කර ඇත.
මේ සම්බන්ධයෙන් කළ විමසීමේදී ශ්රී ලංකා නීති විද්යාලයේ විදුහල්පතිනි ජනාධිපති නීතිඥ ඉන්දිරා සමරසිංහ මහත්මිය ඒ ගැන තමාට නිශ්චිත අදහසක් පළ කළ නොහැකි බවත් අගවිනිසුරුවරයාගෙන් උපදෙස් ලබාගැනීමට කටයුතු කරන බවත් පැවසීය.
2025 දෙසැම්බර් මස 30
153
0
ප්රමුඛතම දේශීය මූල්ය සේවා ආයතනයක් වන සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 61 වැනි ශාඛාව නිකවැරටිය නගරයේදී පසුගි
2025 දෙසැම්බර් මස 18
775
2
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
377
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
නීති විභාග ක්රමවේදයේ වෙනස ගැන සිසුහු අගවිනිසුරුට ලියති