(නිමන්ති රණසිංහ සහ ඉන්දිකා රාමනායක)

ප්‍රතිකාර ලබා ගැනීම සඳහා පැමිණි කාන්තා රැඳවියකුට ජංගම දුරකථන සහ ඊට අදාල උපාංග ලබා දී මුදල් ලබාගත් බව කියන බෝගම්බර බන්ධනාගාර රෝහලේ ප්‍රධාන වෛද්‍ය නිළධාරීවරයා සම්බන්ධයෙන් පරීක්ෂණයක් ආරම්භ කළ බව බන්ධනාගාර මුලස්ථානය පවසයි

රහසිගත විශේෂ සෝදිසියකදී මෙම වෛද්‍ය නිලධාරීවරයා අදාල කාන්තාවට දුරකථනය ඇතුළු උපාංග ලබා දෙන අවස්ථාවේදී  එම උපාංග ද සමග අත්අඩංගුවට ගනු ලැබූ බව බන්ධනාගාර කොමසාරිස් පාලන මාධ්‍ය ප්‍රකාශක චන්දන ඒකනායක මහතා පැවසීය.

අදාල දුරකථන ලබා දීමෙන් පසු මෙම වෛද්‍යවරයා මුදල් ලබාදීමට අදාළ රිසිට් පත්‍රයද ලබා ගන්නා බවට තොරතුරු අනාවරණය වී ඇතැයි ද ඔහු පැවසීය.

ඒ් අනුව ප්‍රධාන වෛද්‍ය නිළධාරීවරයා සිටින බන්ධනාගාර රෝහලේ නිළ කාමරය තුළදී වෛද්‍ය ප්‍රථිකාර ලබා ගැනීමට පැමිණි සැකකාරීයකට *ජංගම දුරකථන ආරෝපණයක් හා ජංගම දුරකථන බැටරි දෙකක්* ලබා දීමට උත්සහ දැරූ අවස්ථාවේ වහාම ක්‍රියාත්මක වු බන්ධනාගාර නිළධාරීන් එම උපාංග අත්අඩංගුවට ගත් බවද මාධ්‍ය ප්‍රකාශකවරයා සඳහන් කළේය .

සිදුවීම සම්බන්ධයෙන් පල්ලේකැලේ පොලිසිය වෙත දැනුම්දී ඇති අතර, සහකාර බන්ධනාගාර අධිකාරිවරයකු යොදවා මුලික විමර්ෂණයක් සිදු කිරීමට බන්ධනාගාර දෙපාර්තමේන්තුව කටයුතු යොදා ඇතැයිද හෙතෙම පැවසීය .