(නාඋල - ඉන්දික අරුණ කුමාර)

පසුගිය දින කිහිපයේ පැවති අධික වැසි තත්වය හේතුවෙන් නාඋල ප්‍රාදේශීය ලේකම් කොට්ඨාශයේ පවුල් 16 කට අයත් පුද්ගලයින් 63 දෙනෙකු අවනැත් වී ඇතැයි නාඋල ප්‍රාදේශිය ලේකම් කාර්යාලය කියයි.

ප්‍රාදේශිය ලේකම් ආත්මා ඩිලුක්ෂි මහත්මිය අද (21) කියා සිටියේ අවතැන් වූ පිරිස් අතර නිවාස වලට ජලය ඇතුල්වීම, පස්කඳු කඩා වැටිම් හා නිවාස කඩා වැටීම් වාර්තා වු බවයි.

ඒ අනුව නාඋල ප්‍රාදේශීය ලේකම් කොට්ඨාශයේ දඹගොල්ල ග්‍රාම නිලධාරි වසමේ පවුල් 04කට අයත් පුද්ගලයින් 18ක්, කූඹියන්ගහ ඇල පවුල්  4කට අයත් පුද්ගලයින් 16ක් , අඹන එක් පවුලකට අයත් පුද්ගලයින් 3ක්, නාලන්ද ප්‍රදේශයේ එක් පවුලක  3ක්,මීගහඇල පවුල් 2ක  8ක්, නාඋල එක් පවුලක  3ක් , සේනාගම පවුල් 2ක 8ක් සහ නිකුල එක් පවුලක අයත් 4ක් ආපදාවට ලක්වී සිටී.

මොවුන් සඳහා වියළි ආහාර ද්‍රව්‍ය, සනීපාරක්ෂක පහසුකම් ඇතුළු අත්‍යාවශ්‍ය සේවා සැපයිමේ කටයුතු මේ වනවිට ක්‍රියාත්මක බව නාඋල ප්‍රාදේශිය ලේකම් ආත්මා ඩිලුක්ෂි ජයරත්න මහත්මිය සඳහන් කළාය.