2025 ජුලි මස 01 වන අඟහරුවාදා
(ඩයනා උදයංගනී)
වසංගත රෝග විද්‍යා අංශයේ වාර්තා අනුව මෙරට දිස්ත්‍රික්ක අටක දැඩි කොරෝනා වසංගත අවදානමක් මතුව ඇතැයි රජයේ වෛද්‍ය නිලධාරීන්ගේ සංගමය පවසයි.
දිනපතා කොවිඩ් ආසාදිතයින් සියයයට වඩා වාර්තා වන කොළඹ, ගම්පහ, කළුතර, කුරුණෑගල, ගාල්ල, නුවරඑළිය සහ මහනුවර, දිසස්ත්‍රික්කවලත් දෛනිකව ආසාදිතයින් 80ක් පමණ හමුවන රත්නපුර දිස්ත්‍රික්කයේත් මෙම අවදානම පවතින බව රජයේ වෛද්‍ය නිලධාරීන්ගේ සංගමයේ ලේකම් වෛද්‍ය සෙනාල් ප්‍රනාන්දු මහතා පැවසීය.
විශේෂයේ ගම්පහ දිස්ත්‍රික්කයේ ආසාදිතයන්ගේ විශාල වැඩිවීමක් ඉදිරියේ දී අපේක්‍ෂා කරන බව වෛද්‍යවරයා කීවේය.
වෛද්‍ය සෙනාල් ප්‍රනාන්දු මහතා මේ බව පැවසුවේ කොළඹ දී අද (17) පැවති මාධ්‍ය හමුවක් අමතමිනි.
මේ වන විට වසංගතයේ උච්චතම අවස්ථාවකට රට පත්ව ඇතැයි කී වෛද්‍යවරයා ඉදිරි සති කිහිපයේදී තවදුරටත් රෝගීන්ගේ වැඩිවීමක් බලාපොරොත්තු විය හැකි බවත් පනවනු ලබන සංචරණ සීමාවල ප්‍රතිඵල ලැබෙන්න තවත් සති කිහිපයක් ගතවනු ඇති බවත් සඳහන් කළේය. සෞඛ්‍ය කාර්ය මණ්ඩල මේ වන විට උපරිම ධාරිතාවයෙන් හා කාර්යක්‍ෂමතාවයෙන් කටයුතු කරමින් සිටින බව කී ලේකම්වරයා එය ඉක්මවා ගියොත් ඉදිරියේ දැඩි අර්බුදකාරී තත්වයක් ඇතිවිය හැකි බව ද කීවේය.
ජනතා සහයෝගය නොමැතිව මෙම වසංගතය පාලනය කළ නොමැකි බව කී වෛද්‍ය සෙනාල් ප්‍රනාන්දු මහතා වසංගතය පැතිරයන දිස්ත්‍රික්කවල මෙන්ම රටේම ජනතාව මේ ගැන අවදානයෙන් කටයුතු කළ යුතු බව ද ප්‍රකාශ කළේය.
මේ වන විට සෞඛ්‍ය කාර්ය මණ්ඩල පීඩාවට පත්වන අයුරින් රෝගීන් වැඩිවීම මෙන්ම සෞඛ්‍ය සේවකයින්ගේ පවුල්වල සාමාජිකයින් අතර වසංගතය ව්‍යාප්තවීම සිදුවෙමින් ඇතැයි ද සෙනාල් ප්‍රනාන්දු මහතා කීවේය.
එම කාර්ය මණ්ඩලවලට මානසික ඒකාග්‍රතාවයකින් කටයුතු කිරීමේ අවස්ථාව සැලසීමට නම් එන්නත්කරණයේදී ඔවුන්ගේ පවුල්වල සාමාජිකයින්ට ද මූලිකත්වය දෙන්නැයි සෞඛ්‍ය අමාත්‍යාංශයෙන් ඉල්ලා සිටින බව ද පැවසීය.
2025 ජුනි මස 26
498
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
2025 ජුනි මස 25
104
0
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
2025 ජුනි මස 23
307
0
සීඝ‍‍්‍රයෙන් පරිවර්තනය වෙමින් පවතින ශ්රී ලංකාවේ සෞඛ්‍ය සේවා ක්ෂේත‍‍්‍රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P
දිස්ත්‍රික්ක අටක් දැඩි අවදානම්
upali Monday, 17 May 2021 03:15 PM
දැන්වත් හෙළ වෙදකමේ දොස්තරලාට අවස්ථාවක් දෙමුද? ලෙඩේ සනීප කරන්න..
JAYATH Wednesday, 19 May 2021 05:58 AM
ඔය ඊනියා හෙළ වෙදකමටවත් ආයුර්වේදයටවත් කවුරුවත් අවස්ථාවක් නොදුන්නේ නැහැ කියන්නේ වැල් බයිලාවක්... ඒ කතාව ඔවුන්ගේ නොහැකියාව වහගන්න කාලයක් තිස්සේ කියන බයිලයක්. ඕනෑතරම් අවස්ථා තියෙනවා... තිබුණාට ගත්තේ නැහැ. මොකද ගත්තොත් ඇනෙන බව දන්නවා.. මම ළඟ පැහැදිලි උදාහරණ තියනවා. කතාව දික් වෙන හින්දා ලියන්න බැහැ. අන්තිමට කියන්න තියෙන්නේ මෙච්චරයි. ඔය ලෝකේ හැම රටකම ඔය විවිධ නම් වලින් එන වෙදකම් තියනවා. අඩුගණනේ මේක හදපු චීනේ පවා. මේ වෙනකොට ඔය එකෙකුට බැරිවුණා නොවැ අඩු ගණනේ මොන මල ඉලව්වක්වත් හදා ගන්න. බටහිර එන්නත් ඇරුණාම එහෙව් එකේ තවත් මොන කතාද?. ඉතින් දැන් වුණත් ප්‍රමාද නැහැ. එහෙම කෙනෙක් ඉන්නවා නම් ඉස්සරහට ඇවිල්ලා මේ ව්‍යවසනයෙන් ලෝක ජනතාව මුදාගන්න.
Rohana Wednesday, 19 May 2021 04:11 PM
වෛද්‍ය කාර්ය මණ්ඩලය කොතරම් කැපවීමෙන් වැඩ කලත් යුක්රේනයෙන් සහ ඉන්දියාවෙන් පැමිණි සංචාරකයින් නිසා රෝගය වේගයෙන් ව්‍යාප්තවුනා. වෛද්‍ය කාර්ය මණ්ඩයේ සහ ජනතාවගේ කැපවීම වතුරේගියා. නුවරඑලියේ වසන්ත සැනකෙලියත් රෝග ව්‍යාප්්‍තියට ප්‍රධාන හේතුවක්. දැන්වත් අවශ්‍ය ක්‍රියාමාර්ග නොගත්තොත් රෝගය පැතිරීම වැලැක්වීම අසීරු වෙනවා.