(බිමල් ශ්‍යාමන් ජයසිංහ)

වෙන්නප්පුව , වයික්කාලේ  තරුණියක සහ ඇගේ  සොහොයුරා  තියුණු ආයුධයකින් කපා කොටා ඝාතනය කර ඇතැයි  වෙන්නප්පුව පොලීසිය කියයි.

මෙසේ ඝාතනය කර ඇත්තේ (19) හැවිරිදි තරුණියක හා (8) හැවිරිදි ඇගේ බාල සොහොයුරාය. 

ඝාතනයට ලක්වු දරුවන්ගේ මව්පියන්  හා තවත් පුද්ගලයකු අතර  යාබද  ඉඩමකට වතුර ලබාගැනීමේ සිද්ධියක් මුල්කරගනිමින් පැවැති ආරවුලක්  දුර දිග ගොස් මෙලෙස දරුවන් දෙදෙනා ඝාතනය කර ඇති බවට තොරතුරු අනාවරණය වී ඇතැයි පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා පැවසීය.

දරු දෙදනා  ඝාතනය කිරීමෙන් අනතුරුව  සැකකරු වෙන්නපුව පොලිසියට බාර වී තිබේ. සිද්ධිය සම්බන්ධයෙන් වෙන්නප්පුව පොලිසිය පරීක්ෂණ පවත්වයි.

(ඡායාරූප - හිරාන් ප්‍රියංකර ජයසිංහ)