(හිරාන් ප්‍රියංකර ජයසිංහ)
 
ආණමඩුව ගරායක්ගම ප්‍රදේශයේදී ලොරි රථයක ගැටුණු වඩු කාර්මිකයකු මරණයට පත්වී ඇති බව ආණමඩුව පොලිසිය කියයි.
 
මියගොස් ඇත්තේ ආණමඩුව ගරායක්ගම පදිංචි 59 හැවිරිදි ගුනරත්න බණ්ඩා නැමති තිදරු  පියකු බව කියයි.
 
වඩු කාර්මිකයා සිය වඩුමඩුවේ සකසන  ලද දොරක්  ඉදිරිපිට නිවසක සවි කිරීමට තනිවම දොර කර තබා පාර මාරු වෙමින් තිබියදී, අධික වේගයෙන් පැමිණි ලොරි රථයේ ගැටී අනතුරට ලක්වී තිබු බව පොලිසිය කියයි. අනතුරින් බරපතල ලෙස තුවාල ලැබූ ඔහු ආණමඩුව මුලික රෝහලට ඇතුලත් කරන  විටත් මරණයට පත්වී සිටි බව රෝහල් බලධාරීහු කියති.
 
අනතුරට සම්බන්ධ ගඩෝල් ලොරි රථය ආඩිගම සිට ආණමඩුවට ගඩොල් රැගෙන යාමට එමින් තිබී ඇත.
 
 ආණමඩුව පොලිසිය විසින්  ලොරි රථයේ රියදුරා   අත්අඩංගුවට ගනු ලැබ තිබේ.