(ක.ග. කරුණාරත්න)
 
අරලගංවිල පොලිස වසමේ පදිංචි 14 හැවිරිදි පාසල් සිසුවියක අපහරණය කිරීමේ සිද්ධියක් සම්බන්‍ධයෙන් අරලගංවිල පොලීසිය මගින් අත් අඩංගුවට ගෙන අධිකරණයට ඉදිරිපත් කළ සැකකරුවෙකු සැප්තැම්බර් මස 04 වැනිදා  දක්වා රිමාන්ඞ් බන්‍ධනාගාර ගතකරන ලෙස පොලොන්නරුව වැඩබලන මහේස්ත්‍රාත් ඒ.ඒ අබේවර්ධන මහතා අද(30) නියෝග කළේය.
 
 මෙසේ රිමාන්ට බන්‍ධනාගාර ගතකරන ලද්දේ දෙහිඅත්තකණ්ඩිය,දමනේවෙල,තල්පිටිගම,අංක160 ඒ ලිපිනයේ පදිංචි මාන්න උතුම් මුදියන්සේලාගේ පසිඳු දිල්ෂාන් නැමැති අයෙකි.
 
එම බාල වයස්කාර පාසැල් ශිෂ්‍යාව වෛද්‍ය පරීක්‍ෂණයකට යොමුකර අධිකරණ  වෛද්‍ය නිලධාරීවරයාගේ වාර්තාවක් ලබා ගැනීම සඳහා රෝහල් ගතකරන ලෙස අධිකරණයෙන් නියෝග කෙරිණි.
 
 දැරියගේ මාපියන් විසින් පොලීසියට කරන ලද පැමිණිල්ලකට අනුව විමර්ශන සිදුකර සැකකරු අත් අඩංගුවට ගෙන අධිකරණයට ඉදිරිපත්කරන බව පොලීසිය කරුණු දක්වමින් කියා සිටියේය.
 
අරලගංවිල පොලීසිය මේ පිළිබඳව පරීක්‍ෂණ පවත්වයි.