(නිමන්ති රණසිංහ)

උද්ඝෝෂණයක් අතරතුරදී රාජ්‍ය දේපලවලට අනර්ථයක් සිදුකළැයි කියන සිද්ධියක් සම්බන්ධයෙන් ඇප කොන්දේසි කඩකළ ඒකාබද්ධ සෞඛ්‍ය සේවක සංගමයේ ලේකම් ටැම්පිටියේ සුගතානන්ද හිමි ලබන 13 වැනිදා දක්වා රක්ෂිත බන්ධනාගාර ගත කරන ලෙස මාලිගාකන්ද මහේස්ත්‍රාත් කෝසල සේනාධීර මහතා අද (01) නියෝග කළේය.

සිවුරට මුවාවි අධිකරණය මගහරින වැරදි සිදුනොකරන ලෙසට තරයේ අවවාද කළ මහේස්ත්‍රාත්වරයා ඇප කොන්දේසි කඩ කිරීම සම්බන්ධයෙන් රක්ෂිත භාරයේ තැබීමට නියෝග කළේය.

මෙම සිද්ධිය සම්බන්ධයෙන් අධිකරණය හමුවේ විභාග වන නඩුවට පෙනී නොසීටීම හේතුවෙන් වරෙන්තු ලැබ සිටි සුගතානන්ද හිමියන් මෝසන් පත්‍රයක් මගින් අධිකරණය හමුවේ පෙනී සිටි අවස්ථාවේදී මෙම කරුණු ඉදිරිපත් විණී.