ජීවනෝපාය අහිමි පවුල් 5,75,520කට දෙදෙහස ලබා දෙයි

(ඩයනා උදයංගනී)

නිරෝධායන ඇඳිරිනීතිය හේතුවෙන් ජීවනෝපාය අහිමි වූ පවුල් 5,75,520 ක් සදහා මේ වන විටත් රුපියල් 2,000 දීමනාව ලබා දී අවසන් බව ස්වදේශ කටයුතු රාජ්‍ය අමාත්‍යාංශය පවසයි.

පළමු අදියර සඳහා මෙම දීමනාව ලබාදීම ඉකුත් 23 වැනිදා සිට සිදුකෙරිණි.

නිරෝධාන ඇඳිරි නීතිය පැනවීම හේතුවෙන් ජීවනෝපාය අහිමි වූ පවුල් 20,38,530 ක් මෙම දීමනාව ලබාදීමට තෝරාගෙන ඇතැයි එම අමාත්‍යාංශය සඳහන් කරයි.

ඒ අනුව කොළඹ දිස්ත්‍රික්කයේ පවුල් 3,76,531ක්, ගම්පහ දිස්ත්‍රික්කයේ 3,45,847ක්, කළුතර දිස්ත්‍රික්කයේ 55,425ක්, මහනුවර දිස්ත්‍රික්කයේ 1,37,475 ක්, කුරුණෑගල දිස්ත්‍රික්කයේ 1,07,677 ක්, රත්නපුර දිස්ත්‍රික්කයේ 1,07,291ක් , ගාල්ල දිස්ත්‍රික්කයේ 3,82,69ක් , හම්බන්තොට දිස්ත්‍රික්කයේ 66,476 ක් මෙම දීමනාව ලබාදීමට තෝරාගෙන ඇත.

මෙම දීමනාව ලබාදීම සියලු ප්‍රාදේශීය ලේකම් කාර්යාලවල ග්‍රාම නිලධාරීවරුන්, සමෘද්ධි සංවර්ධන නිලධාරීන් සහ සංවර්ධන නිලධාරීන්ගේ හරහා දිස්ත්‍රික් ලේකම්වරුන්ගේ සහ ප්‍රාදේශීය ලේකම්වරුන්ගේ අධීක්ෂණය යටතේ සිදුවේ.

අදහස් (7)

ජීවනෝපාය අහිමි පවුල් 5,75,520කට දෙදෙහස ලබා දෙයි

Raveendra Saturday, 28 August 2021 11:19 AM

මේ මොන විකාරයක්ද...? මාගේ දුගී දුප්පත් ඒ සදාදරණීය ජනතාවට ජීවත්වීමට මෙම මුදල් ප්‍රමාණවත් නැත.. අඩු තරමින් රුපියල් 20000/= වත් මගේ සදාදරණීය ඡන්ද දායකයින්ට ලබා දිය යුතුමයි.. නොඑසේ නම් මාගේ පියාණන් මා වෙනුවෙන් හරිහම්බකළ ඒ සියලුම මුදල් කන්දරාව හෙට සිට ගමක් ගමක් සිසාරා ගොස් ලබා දෙනවා.. මීට මම බුද්ධිමත් පුතා.. එසේම උසින් අඩු අයට රුපියල් 10000/= මෙන්ම උසින් වැඩි අයට රුපියල් 20000/-ක් බෙදා දෙමි.

: 3 59

Sampath Saturday, 28 August 2021 01:30 PM

මේකෙන් භාගයක්ම යන්නේ, ග්‍රාමසේවකලා, සමෘද්ධි නිලධාරි, ප්‍රාදේශීය දේශපාලන හෙන්චයියන් ඇතුලු මේ මුදල් බෙදාදෙන සෙට් එකට. 1 වෙනි සැරේ 5000 දෙන දවස්වල තමන්ගේ ගෙදර හැම එකාගේමයි.. ගෙදර කුලියට ඉන්න එකාගෙයි, වෙන මිනිස්සුන්ගේ හැඳුනුම්පත් අංක වලට හොර අත්සන් ගහලයි ඔය සෙට් එක මහජන මුදල් තමන්ගේ සාක්කුවේ දාගත්තේ... 2 වෙනි සැරේ අහිංසක මිනිස්සුන්ගේ නම් ලිස්ට් එකේ නැහැ කිය කියා ඒ මිනිසුන්ව ගෙදර යවලා, හොර අත්සන් ගහලා ඒ සල්ලි මිලියන ගණන් හොරා කෑවා... සමහර ග්‍රාම සේවකලා කාර් පවා ගත්තා.. අද රු 2000ක් කියන්නේ මොකද්ද? ඕක ගන්න මිනිසුන් පොරකනකොට කොරෝනා පැතිරෙන්නේ ඩබල් වෙලා... ඊට වැඩිය හොඳයි ඔය බිලියන ගණන් වියදම් කරලා ඔක්සිජන් වෙන්ටිලේටර්ස් හරි, රෝගීන්ට අවශ්‍ය ප්‍රතිකාර කිරීමට හෝටල් කීපයක් බදු පදනම මත රජයට ලබා ගත්තා නම්..!!!

: 25 3

RaveendraSaturday, 28 August 2021 03:23 PM

ඔබගේ අදහස් 100% නිවැරදි නොවුනත් ( වචනයේ අර්ථයෙන්ම අවංක මිනිසුන් ඒ අතර සිටින බැවිනි) වැඩි ප්‍රතිශතයකට එය නිවැරදිය. මක්නිසාදයත් අප වැඩිම වැඩි පිරිසක් තක්කඩි හොරුන්ය.මහා එකාගේ සිට පොඩි එකා දක්වා එම තක්කඩිකම විහිදී ගොසින්ය.

: 0 3

BamunuarachchiMonday, 30 August 2021 07:34 AM

නම් ගම ඇතුව ඔබ දන්නවානම් පොලිස්සිය, ප්‍රාදේශීය ලේකම් කාර්යාලය, අපරාද විමර්ශනය, ඇමති,අගමැති, ජනපතිට පෙත්සම් මාර්ගයෙන් දැනුම් දෙන්න තිබුනා නේද එහෙම කලාද.

: 1 0

Bamnunuarachchi Monday, 30 August 2021 07:37 AM

මේවා කියවලා අපරාධ විමර්ශනයෙන් ප්‍රශ්න කලොත් උත්තර දෙන්න පුළුවන් නේද? මොකද මේක ලොකු චෝදනාවක්.

: 1 0

Bamunuarachchi Monday, 30 August 2021 07:38 AM

ඔබේ කතාව අදාළ තැන්වලින් කියවාවි. මොකද මේක ලොකු චෝදනාවක්.

: 0 0

Bamunuarachchi Monday, 30 August 2021 07:42 AM

ග්‍රාම නිලදාරීන් ගත්තේ බ්‍රෑන්ඩ් නිව් කාර්ද රීරීකන්ඩිෂන් ඒවාද? ඇයි බොරු කියන්නේ?

: 0 0