2023 මාර්තු මස 28 වන අඟහරුවාදා
ජොන්ස්ටන්ගේ නඩුවේ සාක්කි විභාගය කල්යයි
(නිමන්ති රණසිංහ)
වත්කම් බැරකම් ප‍්‍රකාශ සාධාරණ හේතුවක් නොමැතිව ඉදිරිපත් නොකර සිටීමෙන් වරදක් සිදුකර ඇතැයි අල්ලස් චෝදනා ලැබ සිටින හිටපු සමූපකාර අභ්‍යන්තර වෙළෙඳ අමාත්‍ය ජොන්ස්ටන් ප‍්‍රනාන්දු මහතාට එරෙහි අල්ලස් නඩුවේ සාක්කි විභාගය ලබන දෙසැම්බර් 4 වැනි දා තෙක් කල් තැබීමට කොළඹ ප‍්‍රධාන මහෙස්ත‍්‍රාත් ලංකා ජයරත්න මෙනෙවිය අද (13) නියෝග කළාය.
මෙම සිද්ධියට අදාළ නඩුව අධිකරණය හමුවේ යළි කැදවූ අවස්ථාවේදී චුදිත වූ හිටපු සමූපකාර අභ්‍යන්තර වෙළෙඳ අමාත්‍ය ජොන්ස්ටන් ෂේවියර් ප‍්‍රනාන්දු මහතා ඇප මත සිටිමින් අධිකරණය හමුවේ පෙනී සිටියේය.
මෙම අල්ලස් නඩුවට අදාළව අල්ලස් කොමිසම මගින් චුදිතට එරෙහිව නඩු පවරනු ලැබුවේ ඉකුත් 2017 වර්ෂයේ නොවැම්බර් මස 27 වැනිදාය. ඒ අනුව ඉකුත් 2017 වර්ෂයේ දෙසැම්බර් මස 15 වැනිදා අධිකරණයෙන් නිකුත් කළ නොතිසියකට අනුව හිටපු අමාත්‍යවරයා අධිකරණයේ පෙනී සිටි අතර, එහිදී රුපියල් 50,000ක මුදල් සහ රුපියල් ලක්ෂ 50ක ශරීර ඇප මත මුදා හැරීමට අධිකරණය නියෝග කරනු ලැබීය.
1975 අංක 1 වගන්තිය ප‍්‍රකාරව වත්කම් බැරකම් ප‍්‍රකාශ පනතට 2014 වර්ෂයට අදාළව සිය වත්කම් බැරකම් පිළිබද වාර්ෂික ප‍්‍රකශය සාධාරණ හේතුවක් නොමැතිව ඉදිරිපත් කිරීමට අපොහොසත් වීමෙන් එම ප‍්‍රකාශයේ 9 (1) වගන්තිය උල්ලංඝණය කර ඇතැයි අල්ලස් කොමිසම චූදිතට එරෙහිව අධිකරණය හමුවේ චෝදනා ගොනු කර ඇත.
