IMG-LOGO

2025 ජුලි මස 12 වන සෙනසුරාදා


ජිනීවා යෝජනා දෙකකින් රජය ඉවත්වෙයි

( +++ විශේෂ වාර්තාකරුවකු විසිනි)

යහපාලන ආණ්ඩුව 2015 සහ 2016 වසරවල දී ජිනීවා මානව හිමිකම්  කොමිෂන් සභාව සමග එකඟතාවකට එළඹුණු 30 – 1 සහ 40 - 1 යන යෝජනා දෙකෙන් වහාම ඉවත් වීමට රජය තීරණය කර තිබේ.

ජනාධිපති කාර්යාලයේ දී ඊයේ (17) උදෑසන මේ සම්බන්ධයෙන් විශේෂ රැස්වීමක් පවත්වා ඇත.

ජනාධිපතිවරයා විසින් කැඳවන ලද මෙම රැස්වීමට විදේශ සබඳතා අමාත්‍ය දිනේෂ් ගුණවර්ධන සහ විදේශ අමාත්‍යාංශයේ ජ්‍යෙෂ්ඨ නිලධාරීන් මෙන්ම රජයේ මැති ඇමැතිවරුන් පිරිසක් ද සහභාගි වූහ.

පවත්නා දේශපාලන වාතාවරණය යටතේ ඉහත කී යෝජනා දෙක ක්‍රියාත්මක කිරීම වත්මන් රජයේ දේශපාලන ප්‍රතිපත්තිය හා නොගැළපෙන බැවින් එම යෝජනා දෙකෙන් ඉවත්වීමට රජය තීරණය කර ඇත.

යහපාලන ආණ්ඩුව 2015 සහ 2016 වසරවල මෙම යෝජනා දෙක ජිනීවා මානව හිමිකම් කොමිසමට ඉදිරිපත්කොට ඊට අනුග්‍රාහකත්වය ලබාදී තිබේ.

එහෙත් මෙම යෝජනා පාර්ලිමේන්තුවට හෝ කැබිනට් මණ්ඩලයටවත් ඉදිරිපත් කොට අනුමැතිය ලබාගෙන නොතිබූ බව ඊයේ පැවැති සාකච්ඡාවේ දී අනාවරණය වී ඇත.

මෙම යෝජනා දෙක මගින් පොදුවේ අපේක්ෂා කර ලද්දේ පවත්නා ව්‍යවස්ථානුකූල තත්ත්වය අභිබවා යන පුළුල් ලෙස බලය බෙදාහැරීමකි.

විධායක ජනාධිපති ධුරය අහෝසි කිරීම, යුද අපරාධ චෝදනා ලත් හමුදා සෙබළුන්ට එරෙහිව නීතිය ක්‍රියාත්මක කිරීම හා නඩු පැවරීම, ත්‍රස්තවාදය වැළැක්වීමේ පනත අහෝසි කිරීම සහ අතුරුදන්වූවන් සම්බන්ධ කාර්යාලයක් ස්ථාපිත කිරීම මෙම යෝජනා දෙකට ඇතුළත් වන කාර්යයන් වෙයි.

මෙම හේතු නිසා අදාළ යෝජනා දෙකෙන් රටට යහපතක් නොවන බැවින් ඉන් ඉවත්වීමට රජය තීරණය කර තිබෙන අතර, ලබන සතියේ දී විදේශ සබඳතා අමාත්‍යවරයා ජිනීවා මානව හිමිකම් සමුළුවට ගොස් රජයේ එම තීරණය නිල වශයෙන් ප්‍රකාශ කිරීමට ද නියමිතය.

එය ඊට පෙර අමාත්‍ය මණ්ඩලයටත්, පාර්ලිමේන්තුවටත් ඉදිරිපත් කිරීමට නියමිතය.



අදහස් (6)

ජිනීවා යෝජනා දෙකකින් රජය ඉවත්වෙයි

sharm warn Tuesday, 18 February 2020 05:11 AM

බොහොම හොදයි. එකසත් ජතින්ගේ මාෆියාවෙන් මිදෙන්නේ නැතුව රටක් ගොඩ ගන්න බැහැ. ඒගොල්ලෝ කරන්නේ හොරාගේ අම්මගෙන් පේන අහන වැඩ.

:       0       0

සේන Tuesday, 18 February 2020 05:58 AM

නිවට පාලකයින් රට බිල්ලට තබා ජාත්‍යන්තරය හමුවේ ජාතියම පාවාදීම කෙසේ, කාට නම් එකඟ විය හැකි දෙයක්ද ? රට මෙයින් ගැළවීම ම ඇති. නැත්නම් ඔවුන් තව මොනවා කරයිද ?

:       0       0

Kamal Koyrala Tuesday, 18 February 2020 07:01 AM

30 – 1 සහ 40 - 1 යන යෝජනා මොනවද?

:       0       0

Karu Tuesday, 18 February 2020 07:41 AM

ජයවේවා. ඉතා හොඳ තීරණයක්

:       0       0

max Tuesday, 18 February 2020 08:11 AM

පිටකොන්දක්, ආත්ම ගරුත්වයක් ඇති ආණ්ඩුවක් සහ ඒ දෙකම නැති ආණ්ඩුවක් අතර වෙනස. සතුටුයි. ඔහොම යමු.

:       0       0

Bamunuarachchi Thursday, 20 February 2020 02:21 AM

මෙන්න කොන්ද පණ ඇති නායකයෝ. නැතුව මානව හිමිකම කියන හැමදේටම එහෙයි කියන්න නිවටයෝ අපිට එපා.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 327 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 847 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1274 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site