(රංජන් කස්තුරි)

රාජ්‍ය ආයතන වල දූෂණ වංචා සෙවීම සඳහා පත්කළ ජනාධිපති පරීක්ෂණ කොමිසන් සභාවට පැමිණිලි බාර ගැනීම මේ මස 7 වැනිදා අවසන් කෙරෙන බව එම කොමිසම සඳහන් කරයි.

මේ වන විට එම කොමිෂන් සභාවට පැමිණිලි 295ක් පමණ ලැබී තිබෙන බවද කොමිෂන් සභා ආරංචි මාර්ග සඳහන් කරයි.

එම පැමිණිලි අතර සීමාසහිත ඕෂන්වීව් ඩිවලොප්මන් සමාගමේ සභාපති කළමණාකාර අධ්‍යක්ෂකවරයාට එරෙහිව ලැබී ඇති බරපතල චෝදනා, ජනතා වතු සංවර්ධන මණ්ඩලයේ දූෂණ , මහරගම පිළිකා රෝහලට ඖෂධ වර්ග දෙකක් ගෙන්වීමේදී  රුපියල් කෝටි 380 ක වංචාවක් සිදුව ඇතැයි කියන සිද්ධියට අදාල පැමිණිලි තිබෙන බවද එම ආරංචි මාර්ග කියයි.

2015 ජනාවාරි මස 15 වැනි දින සිටි 2018 දෙසැම්බර් මස 31 වැනිදින දක්වා කාලය තුළ රජයේ ආයතනවල සිදුව ඇතැයි සැලකෙන දූෂණ වංචා සම්බන්ධයෙන් සොයාබැලීමට එම ජනාධිපති පරීක්ෂණ කොමිෂන් සභාව පත් කර තිබේ.