ජනාධිපති ගෝඨාභය රාජපක්ෂ මහතාගේ ඉන්දීය සංචාරයට විරෝධය පළ කරමින් නවදිල්ලි නුවර උද්ඝෝෂණයක නිරත වී සිටි එම්.ඩී.එම්.කේ පක්ෂයේ නායක රාජ්ය සභාවේ සාමාජික වයිකෝ ඇතුළු එම පක්ෂයේ ආධාරකරුවන් පිරිසක් පොලිස් අත්අඩංගුවට පත්ව ඇතැයි ඉන්දීය මාධ්ය වාර්තා කරයි.
ජනාධිපති ගෝඨාභය රාජපක්ෂ මහතා තෙදින නිල සංචාරයක් සඳහා අද (28) පස්වරුවේ ඉන්දියාව බලා පිටත්ව ගියේය.
ජනාධිපතිවරයාගේ පැමිණීමට විරෝධය පළ කරමින් ඊයේ උදෑසන වයිකෝ ඇතුළු පිරිස උද්ඝෝෂණයක නිරත වී සිටි අතර ඔවුන් අත්අඩංගුවට ගත් බව ජ්යෙෂ්ඨ පොලිස් නිලධාරියෙක් පැවැසීය.
ඉන්දීය අග්රාමාත්ය නරේන්ද්ර මෝදිගේ ආරාධනයක් මත ජනාධිපති ගෝඨාභය රාජපක්ෂ මහතා ඉන්දියාව බලා පිටත්ව ගිය අතර හෙතෙම නොවැම්බර් 30 වැනිදා දක්වා එරට රැඳී සිටිනු ඇත.
මෙම සංචාරය ජනාධිපති ගෝඨාභය රාජපක්ෂ මහතාගේ පළමු නිල විදෙස් සංචාරයයි.
055
COMMENTS
නව නීති ක්රියාත්මක වීමෙන් මහජන ආරක්ෂාව වැඩි වන බව ඉතා පැහැදිලිව පෙන්වන ලිපියක්.
තවත් අදහස් හා දත්ත සමඟ මෙම විශ්ලේෂණය යාවත්කාලීන කරලා නම් හොඳයි.