ජනපතිගේ පළමු නිල සංචාරය ඉන්දියාවට

(හර්ෂණ තුෂාර සිල්වා)

ජනාධිපති ගෝඨාභය රාජපක්ෂ මහතා සිය පළමු නිල සංචාරය සඳහා ලබන (29) වැනිදා ඉන්දියාව බලා යාමට නියමිතය.

ඉන්දීය විදේශ කටයුතු අමාත්‍ය ආචාර්ය සුබ්‍රමනියම් ජයිශංකර් මහතා අද (19) පස්වරුවේ දිවයිනට පැමිණි අතර ඊයේ රාත්‍රියේම ජනාධිපති ගෝඨාභය රාජපක්ෂ මහතා හමුවී සාකච්ඡා පැවැත්වීය.

නව ජනාධිපති ගෝඨාභය රාජපක්ෂ මහතාට ඉන්දියාවට පැමිණෙන්නැයි එරට අග්‍රාමාත්‍ය නරේන්ද්‍ර මෝදි කළ ආරාධනය රැගෙන ඉන්දීය විදේශ කටයුතු අමාත්‍යවරයා මෙරටට පැමිණි අතර ඒ අනුව ජනාධිපති ගෝඨාභය රාජපක්ෂ මහතා නොවැම්බර් 29 වැනිදා ඉන්දියාවේ සංචාරය කරනු ඇත.

ඒ බව සඳහන් කරමින් ඉන්දීය විදේශ කටයුතු අමාත්‍ය ආචාර්ය සුබ්‍රමනියම් ජයිශංකර් මහතා ට්විටර් පණිවුඩයක් නිකුත් කර තිබිණි.

ගෝඨාභය රාජපක්ෂ මහතාගේ නායකත්වය යටතේ ඉන්දු-ශ්‍රී ලංකා සබඳතා ඉහළ මට්ටමකට වර්ධනය වනු ඇති බවත් දෙරටටම ප්‍රතිලාභ ගෙනෙමින් සාමය, සංවර්ධනය, සෞභාග්‍යය සහ ආරක්ෂාව වර්ධනය වනු ඇති බවත් සඳහන් ඉන්දීය අග්‍රාමාත්‍ය නරේන්ද්‍ර මෝදිගේ පණිවුඩය ශ්‍රී ලංකා ජනාධිපතිවරයාට දැනුම් දුන් බවත් ඉන්දීය විදේශ කටයුතු අමාත්‍යවරයා නිකුත් කළ නිවේදනයේ දැක්විණි.

ඉන්දීය විදේශ කටයුතු අමාත්‍ය ආචාර්ය සුබ්‍රමනියම් ජයිශංකර් මහතා සමඟ ඉන්දීය විදේශ කටයුතු අමාත්‍යාංශයේ සම්බන්ධීකරණ ලේකම් ආචාර්ය ෂිල්පක් අම්බුලේ සහ එම අමාත්‍යාංශයේ ඉන්දීය සාගර කලාප සම්බන්ධීකරණ ලේකම් අමිත් නාරන්ග් යන මහත්වරු ද මෙරටට පැමිණියහ.

ජනාධිපති ගෝඨාභය රාජපක්ෂ මහතා සහ ඉන්දීය විදේශ කටයුතු අමාත්‍ය ආචාර්ය සුබ්‍රමනියම් ජයිශංකර් මහතා අතර පැවැති සාකච්ඡාවට ශ්‍රී ලංකාවේ ඉන්දීය මහකොමසාරිස් තරංජිත් සිං සන්ධු මහතා ද සහභාගී විය.

ඡායාරූප - ඉන්දීය විදේශ අමාත්‍යවරයාගේ ට්විටර් ගිණුමෙනි.

අදහස් (9)

ජනපතිගේ පළමු නිල සංචාරය ඉන්දියාවට

Mf Tuesday, 19 November 2019 04:47 PM

සුභ ගමන්. ඉඟුරු දීලා මිරිස් ගන්න එපා.

: 0 24

Shan Tuesday, 19 November 2019 05:28 PM

මෙන්න මේක තමයි වෙනස. ගෙදරට ඇවිත් බුලත් දීලා ආරාධනා කරන්නේ.

: 408 152

Chathuri Tuesday, 19 November 2019 05:35 PM

මේ ෆොටෝ එකේ තියෙන විදියට වායු සමීකරණ යන්ත්‍රය අමුත්තන් පිළිගන්න කාමරවල තියන්නේ නැහැ පේන්න කැතයි. අපිට ලොකු දෙයක් වුනාට ඉස්සර මැද පෙරදිග ගිහින් ආවාම ශීතකරණය සාලේ මැද

: 283 104

මුණසිංහWednesday, 20 November 2019 02:01 AM

ඔන්න බරපතලම ප්‍රශ්නය, ඕක තමා කියන්නේ අපේ ආකල්පමය වෙනසක් අවශ්‍යයි කියලා. අනවශ්‍ය දේම තමා කතා කරන්නේ.

: 83 259

He heWednesday, 20 November 2019 03:33 AM

ඕක එයාර් ෆිල්ටර් එකක්

: 0 17

Rasika PradeepWednesday, 20 November 2019 04:38 AM

ඉන්දියාව සහ ලංකාව අතර රාජතාන්ත්‍රික වශයෙන් බලපාන විශාලම අභියෝගය පෙන්වාදුන් ඔබට ජාතියේ උත්තමාචාරය !!!!!

: 0 25

ඛේමා Wednesday, 20 November 2019 03:22 AM

ඉන්දියාව හොඳින් තබා ගැනීම වැදගත් වගේම යුද්ධයෙදී ආධාර දුන් චීනය සහ පකිස්ථානය තරහකරනොගනීමත් ඉතා වැදගත් වේ.

: 0 35

He he Wednesday, 20 November 2019 03:31 AM

ඕක ඒසී එකක් නොවෙයි එයාර් ෆිල්ටර් එකක්.

: 0 23

bule Wednesday, 20 November 2019 04:26 AM

බිමට දාල තියෙන්නේ රතු සිමෙන්ති... මන්දිරවල ඉන්නේ නැති බව ක්‍රියාවෙන්ම පේනවා... ආඩම්බරයි.

: 0 11

ඔබේ අදහස් එවන්න

එසැණ පුවත්

ඡන්දෙට සියල්ල සූදානම්

2024 සැප්තැම්බර් මස 20 5 0

2024 ජනාධිපතිවරණය සඳහා මේ වන විට සියලු කටයුතු සූදානම් වෙමින් පවතී.

මිදිගම ඝාතනයට දෙකක් සැකපිට

2024 සැප්තැම්බර් මස 20 400 0

මිදිගම ගොවියාපාන පාලම අසල දි පුද්ගලයකුට වෙඩි තබා මාළු ව්‍යාපාරිකයකු ඝාතනය කළ බව කියන වෙඩික්කරුවන් දෙදෙනා මිදිගම අහංගම ප්‍රදේශයේදී හෙරොයින් සමග අත්අ

වාර්තාවක් දෙන්න අල්ලස් ගත් සැරයන් මාට්ටු

2024 සැප්තැම්බර් මස 20 204 0

පොලිස් වාර්තාවක් ලබාදීම සඳහා රුපියල් 5000ක අල්ලසක් ගත් බව කියන පොතුහැර පොලිසියේ සැරයන් වරයෙක් අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විස

බැසිල් රටින් පිටව යයි

2024 සැප්තැම්බර් මස 20 2766 0

ශ්‍රී ලංකා පොදු ජන පෙරමුණේ නිර්මාතෘ , හිටපු අමාත්‍ය බැසිල් රාජපක්ෂ මහතා අද අලුයම ඩුබායි බලා පිටත්ව ගිය බව ගුවන් තොටුපොළ කාර්යය භාර නිලධාරීවරයා සනාථ කළ

දෙහිවල වෙඩි තැබීමකින් සෞඛ්‍ය කම්කරුවා මරුට

2024 සැප්තැම්බර් මස 20 905 0

දෙහිවල ගල්කිස්ස නගර සභා සෞඛ්‍ය කම්කරුවකුට දෙහිවල කඩවත පාරේ දී වෙඩි තබා ඝාතනය කර ඇතැයි දෙහිවල පොලිසිය කියයි.

තැනින් තැනට විටින් විට වැසි

2024 සැප්තැම්බර් මස 20 56 0

සබරගමුව පළාතෙත් කළුතර,ගාල්ල සහ මාතර දිස්ත්‍රික්කවලත් විටින් විට වැසි ඇති වන බව කාලගුණ විද්‍යා දෙපාර්තමේන්තුව කියයි.