ගිම්හාන නිවාඩු සමය ආරම්භ වීමත් සමග චෙක් රාජ්‍යයයේ කොරෝනා වයිරස ආසාදිතයන් වැඩිවීමට පටන්ගෙන ඇතැයි සෞඛය බලධාරීහු පවසති.

ඔවුන් පවසන්නේ පසුගිය පැය 24 තුළ පමණක් කොරෝනා රෝගීන් 168 දෙනකු වාර්තා වී ඇති බවයි.

එය අප්‍රේල් මාසයේ සිට මේ දක්වා වාර්තා වූ ඉහලම දෛනික වැඩිවීමයි.

පසුගිය දින හතර තුළ දෛනික ආසාදිතයින් සංඛ්‍යාව 100 ඉක්මවූ බවද සෞඛ්‍ය අංශ වාර්තා කර තිබේ.
සෞඛ්‍ය අමාත්‍යාංශ වෙබ් අඩවිය වාර්තා කරන්නේ කාර්විනා හි නැගෙනහිර කළාපයෙන් වැඩිම රෝගීන් සංඛ්‍යාවක් වාර්තා වන බවයි.

සිකුරාදා (26) පාසැල් නිවාඩුව ආරම්භ වූ අතර බොහෝ පවුල් නිවාඩුව සඳහා සූදානම් වෙමින් සිටියහ.

කෙසේවුවද සංචාරක සීමාවන් හේතුවෙන් බොහෝ චෙක් ජාතිකයන් විදේශගත නොවී නිවාඩුව රට තුළම ගත කිරීමට සැලසුම් කර ඇතැයි ද පැවසේ.

මේ වනවිට චෙක් රාජ්‍යයේ කොරෝනා හේතුවෙන් පැනවූ බොහෝ සීමාවන් ලිහිල් කර ඇත.

එරටින් වාර්තා වී ඇති සම්පූර්ණ කොරෝනා ආසාදිතයින් සංඛ්‍යාව 11,038ක් වන අතර මරණ 349ක් සිදුවී තිබේ.
 
(රොයිටර් පුවත් ඇසුරිණි - 085)