IMG-LOGO

ගලේවෙලදී වාහන 4ක් ගැටී 11 කට තුවාල

(කාංචන කුමාර ආරියදාස සහ  මොහොමඞ් බුහාර්ඩින්)
 
ගලේවෙල පොලිස් බල ප්‍රදේශයේ මොරගොල්ල ප්‍රධාන මාර්ගයේ හොම්බාව  ප්‍රදේශයේදී අද (28) වෑන් රථයක්, ත්‍රිරෝද රථ දෙකක් සහ  යතුරු පැදියක් එකිනෙක ගැටීමෙන් පුද්ගලයන් 11 දෙනෙකු තුවාල ලබා ගලේවෙල සහ දඹුල්ල රෝහලට ඇතුළත් කර තිබෙන බව ගලේවෙල පොලිසිය කියයි.
 
මෙසේ අනතුරට ලක්ව ඇත්තේ ඇඟලුම් කර්මාන්ත ශාලාවකට සේවිකාවන් ප්‍රවාහනය කරමින් තිබූ වෑන් රථයක්, කුකුළු ගොවිපළක සේවය සඳහා කාන්තාවන් ප්‍රවාහනය කරමින් තිබූ ත්‍රිරෝද , මාර්ගය අසල නවතා තිබූ තවත් ත්‍රිරෝද රථයක් සහ මාර්ගයේ ගමන් කරමින් තිබූ යතුරුපැදියක් බව පොලීසිය කියයි.
 
මෙම අනතුරින් තුවාල ලැබූවන් අතර වෑන් රථයේ රියදුරු, ත්‍රිරෝද රථයක රියදුරු,  යතුරුපැදියේ  රියදුරු සහ  රථ දෙකේ ගමන් ගත්  කාන්තාවන් 8 දෙනෙකු වන  බව පොලිසිය කියයි. 

මොරගොල්ල දෙසින් මෙම වෑන් රථය ඇඟලුම් කර්මාන්ත ශාලාවක තරුණියන් ප්‍රවාහනය කරමින් තිබියදී ගලේවෙල දෙසින් මොරගොල්ල දෙසට කුකුළු ගොවිපලක සේවිකාවන් ප්‍රවාහනය කරමින් තිබූ ත්‍රිරෝද රථයක් මුහුණට මුහුණ ගැටී තිබේ.

අනතුර වන අවස්ථාවේදී ත්‍රිරෝද රථයේ හත්දෙනෙකු ගමන් කරමින් සිටි බව ත්‍රිරෝද රථයේ රියදුරු සහ තුවාල ලැබූ අය ප්‍රකාශ කළේය.

අනතුරක් සමග පිටුපසින් පැමිණි තවත් යතුරුපැදියක් ද   ත්‍රිරෝද රථයේ ගැටී නවතා තිබූ තවත් ත්‍රීරෝද රථයක ගැටුණු බව අනතුර ඇසින් දුටුවෝ පවසති.

අනතුරුදායක වංගුවක් සහිත ස්ථානයක රියදුරන් අපරික්ෂාකාරීව රිය ධාවනය කිරීම මෙන්ම ත්‍රිරෝද රථයේ පුද්ගලයන් හත්දෙනෙකු ප්‍රවාහනය කිරීම නිසා අනතුරු වළක්වා ගැනීමට නොහැකි වී ඇතැයි මූලික පරීක්ෂණවලදී හෙළි වී තිබේ.

තුවාල ලැබූවන් සියලුදෙනා ගලේවෙල ප්‍රාදේශීය රෝහලට ඇතුලත් කිරීමෙන් අනතුරුව බරපතළ තත්ත්වයේ පසුවූ  කාන්තාවන් 8  දෙනෙකු සහ පිරිමි දෙදෙනෙකු දඹුල්ල මූලික රෝහලට මාරු කර තිබුණු බවත් රෝහල් ප්‍රකාශකයෙක් සඳහන් කළේය.
 
රිය අනතුර සම්බන්ධයෙන් ගලේවෙල පොලිසිය වැඩිදුර පරීක්ෂණ පවත්වයි.



අදහස් (2)

ගලේවෙලදී වාහන 4ක් ගැටී 11 කට තුවාල

Ranjan Wednesday, 28 August 2019 08:03 AM

කාලකන්නි රියදුරන් සහ මාර්ග නීති පිළිනොපදින ජරාම ජරා අය ලෝකයේ කිසිම රටක නැත. මොවුන්ව මර්දනය කළහැකි වන්නේ ඔවුන්ගෙන් පගාව නොගෙන බලපත්‍ර කැන්සල් කිරීමයි.

:       0       25

RaveendraWednesday, 28 August 2019 10:39 AM

ඔබගේ අදහස් 100% නිවැරදි වුනත් අප රටේ නම් මෙය සිදුනොවෙන බව 200% විශ්වාසයි... ප්‍රධානම හේතුව වන්නේ "වංක පොලිස් " නිලධාරීන්ගේ මුදල් වෙනුවෙන් තම නිලඇඳුම පාවාදෙමින් කරන නොහොබිනා ජඩවැඩ නිසාය. (අවංක නිලධාරීන් ඉතාමත් අතලොස්සක් සිටින මෙවන් ආයතනයක ඔවුන්ට අපගේ මෙම අදහස් වලින් සිත් තැවුලක්, කණගාටුවක් ඇති වුණානම් අප ඔවුන්ගෙන් සමාව ඉල්ලා සිටින්නෙමු.). නීතිය නිසිලෙස ක්‍රියාත්මක වන්නේ නම් මෙවැනි තිරිසන් රියදුරන් මුළුරටින්ම තුරන් කිරීම එතරම් අපහසු නොවෙන බවත් සඳහන් කිරීමට කැමැත්තෙමු.

:       0       5

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 79 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 501 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 932 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site