(ජයමාල් චන්ද්රසිරි)
පාස්කු ඉරිදා සිදුවූ මරාගෙන මැරෙන බෝම්බ ප්රහාරය සම්බන්ධයෙන් පත්කළ ජනාධිපති කොමිසමෙන් කිතුණු බැතිමතුන් හට සාධාරණයක් ඉටුවීමට විරෝධය පාමින් කොළඹ කොච්චිකඩේ ශාන්ත අන්තෝනි දේවස්ථානය ඉදිරිපිට අද (7) නිහඬ විරෝධතාවයක් පැවැත්වූහ.
කළු ඉරිදා දිව්ය පුජාවෙන් පසුව කිතුණු බැතිමතුහු දේවස්ථානය ඉදිරිපිට විරෝධතා පුවරු අතැතිව මෙලෙස විරෝධතාවය දැක්වූහ.
එම අවස්ථාවට කොළඹ අගරදගුරු මැල්කම් කාදිනල් රංජිත් හිමිපාණෝ, භික්ෂූන් වහන්සේලා, කන්යා සොහොයුරියෝ ඇතුළු කිතුණූ බැතිමත්හූ එක්ව සිටියහ.
COMMENTS
චූදිතයන්ගෙන්, ත්රස්තවාදීන්ගෙන්, හොර බොරු කාරයෝ..., බැංකු මංකොල්ලකාරයින්ගෙන්.. අල්ලස්, කප්පම් ලබාගෙන නිහඬ වීම අපේ රටේ අලුත් දෙයක් නෙමෙයි නේද? අන්තිමේදී හැමෝම නිදොස්කොට නිදහස්.. !!!
"මේ වගේ දෙයක් වෙන්න පුළුවන් කියලා ඊට කලින් කිසි තැනක අහලා නොතිබුණාට මැතිවරණයක් අතළඟ තියෙද්දී මේ වගේ බිහිසුණු බෝම්බ පිපිරීමක් සිදුවීම තුළින් රටේ ආරක්ෂාවක් නැති බව ජනගත වීම නිසා වැඩි වාසිය ලැබුනේ කාටද කියලා සිතා බැලුවා නම් මේ සේරම ප්රශ්න වලට උත්තරය ලැබෙයි" කියලා කවුදෝ කට කැඩිච්ච කතාවක් කියනවා ඇහුණා.
අප නැවතත් මෙම ඉස්ලාම් අන්තවාදීන් නමැති " ඌරන්ගේ" නිවට නියාලු නිහින ම්ලේච්ඡ ප්රහාරයෙන් මියගිය ඒ අපේම සියලුම සහෝදර කිතුනු බැතිමතුනට අපගේ බලවත් කනගාටුව ප්රකාශ කරන අතර, එ් නිසා තුවාල ලබා සිටින සියලුම සහෝදර සහෝදරියන්ට ඉක්මන් සුවය ප්රාර්ථනා කරන්නෙමු. මෙම විරෝධතාවය 200%ක් සාධාරණයි. අපද එයට සහයෝගය දක්වන්නෙමු. එලෙසම මෙම අවාසනාවන්ත සිදුවීම තම දේශපාලන වාසිය කරගැනුමට තටමන ඒ කාලකන්නි පාදඩ දේශපාලකයන්ට එකහෙලා අප සැම විරුද්ධ වෙමු. ඇඳ යට රිංගා පණ බේරාගත් ඒ සත්ගුණවත් දේශමාමක බියගුළු නිවට පරයින්ට මෙම අදහස් කියවීමට හැකි වේවා...!!!
සත්ය වශයෙන්ම, මේ රජය බලයට ආවේ .. පාස්කු ප්රහාරය සිදුකළ අයට හා ඒ හා සම්බන්ධ සැමට නිසි දඬුවම් දෙන පොරොන්දුව මත. දැන් 2/3 බලයක් තිබියදීත් වැඩේ කල්මරණ ස්වභාවයක් තමයි ගම්ය වෙන්නේ... 2/3 ක බලයක් තිබියදීත්, කෙලින් තීරණයක් නොගෙන, ඒ සඳහා තවත් කමිටු කුමකටද ?
දළදා මාලිගාවට අනුරාධපුරේ ශ්රීමහා බොධියට ප්රහාර එල්ල කරලා මියගිය අබාධිත වෙච්චි අයට සාධාරනය ඉටුකරන්න කියලා හාමුදුරුවෝ ඇතුල කිසිම කෙනෙක් ඉල්ලුවේත් නෑ මතක් උනෙත් නෑ නේද? කෝ ඒ අසරණයින්ට සාධාරනය?
ඕවා කවදාවත් වෙන්නේ නෑ, අපරාදේ කාලේ.
" සහරාන් ත්රස්තයන් කළ ඒ විනාසේ ... ගැන ගත් කිසිදු පියවර නැත මනාසේ ... කොමිසම් මගින් යටයන තතු සිතූ සේ ... දුටු ඒ ත්රස්තයන් දෙකොනින් සිනාසේ ...
මේ රටේ නීතිය ක්රියාත්මක වෙන්නේ දුප්පතුන්.., කිසිම ආකාරයක බලයක් නැති මිනිසුන්ට විතරයි. පොලිසියේ හොඳ මහත්වරු හිටියත් එතනත් ඉන්නවා වැඩක් කරන්න දෙන්නේ නැති දේශපාලන ගොට්ටන්. ලංකාවේ ත්රස්තවාදියෝ, ත්රස්තවාදී සංවිධාන, මිනීමැරුම්, පාතාල, ගමක් ගමක් ගානේ ඉන්න කුඩු මුදලාලිලා පවා බේරිලා ඉන්නේ සල්ලි බලේට යටවුණු රාජ්ය සේවකයින් පිරිසක් නිසා. මෙතනත්, පාස්කු කොමිසම් ගොයා තලගොයා කරන විදියේ වාර්තාවත් හදලා තියෙන්නේ NGO , දේශපාලන බලපෑම් වලට, මුදල් වලට යටත්වෙලා ලංකාව තවදුරටත් "ඉන්න හිතෙන රටක්" ද කියලා 100 වාරයක් හිතන්න වෙනවා.
පික් පොකට් ගහපු හොරත්, හොරෙක් හොරෙක් කියලා කෑගහනවා වගේ සීන් එකක් මෙතන තිබෙන්නේ.