(ඉන්දිකා  රාමනායක)

මෝටර් රථයක් සමග පිළිස්සී මියගොස් සිටි ව්‍යාපාරිකයකුගේ  සිරුරක් කොහුවල පොලිසිය මගින් සොයාගෙන ඇත.

මෙලෙස මියගොස් ඇත්තේ කොහුවල භාතිය මාවතේ පදිංචි  තිස්තුන් හැවිරදි  ව්‍යාපාරිකයකු බව ද පොලිසිය කියයි.

මොහු පෙරේදා රාත්‍රියේ කිසියම් ස්ථානයකින් ආහාර ලබා ගෙන  මෝටර් රථයෙන් ගමන් කරන  අතරතුර ඔහුගේ  මෝටර් රථය ගිනිගෙන ව්‍යාපාරිකයා ද එම රථය තුළ පිලිස්සී මියගොස් සිටි බව පොලිසිය සඳහන් කරයි.

මෙම සිද්ධිය  සම්බන්ධයෙන් අද මහේස්ත්‍රාත් පරීක්ෂණය පැවැත් වෙන අතර  රජයේ රස පරීක්ෂකවරයා ද එම ස්ථානයට පැමිණ පරීක්ෂණ පැවැත්වීමට නියමිතව ඇත.

ඡායාරූප එච්.එම්.ධර්මපාල