(නිමන්ති රණසිංහ)

පානදුර හොරේතුඩුව ප්‍රදේශයේදී රිය අනතුරක් සිදුකර පුද්ගලයකු මරණයට පත්කළැයි කියන සිද්ධියට අදාළව ක්‍රිකට් ක්‍රීඩක කුසල් මෙන්ඩිස් මහතා රුපියල් ලක්ෂ 10 බැගින් වු ශරීර ඇප දෙකක් මත මුදාහරින ලෙස පානදුර මහේස්ත්‍රාත් චන්දන කලන්සුරිය මහතා අද (6) නියෝග කළේය.

සැකකරුට එරෙහිව ඉදිරිපත් වූ  සියලුම චෝදනා ඇප ලබාදිය හැකි ඒවා බැවින් ඔහු ඇප මත මුදාහළ අධිකරණය මරණකරුගේ බිරිඳට අගති විරහිතව රුපියල් ලක්ෂ 10 ක මුදලක් ලබාදීමට ද නියම කළේය.

ඒ අනුව සැකකරු විසින් අධිකරණයේ දී අගතියට පත් පාර්ශවය වෙත රුපියල් ලක්ෂ 2 ක මුදලක් ලබාදෙනු ලැබීය.

මෙම සිද්ධිය හේතුවෙන් මහජන කැළබීමක් ඇතිවී නැතැයි පැමිණිල්ලේ කරුණු සඳහන් කිරිම අනුව ඇප පනතේ 14 වැනි වගන්තිය ප්‍රකාරව ඇප නියම කළ අධිකරණය, සැකකරුගේ රියදුරු බලපත්‍රය තාවකාලිකව අත්හිටුවීමට ද නියම කළේය.