(හැටන් රංජිත් රාජපක්ෂ)   

මධ්‍යම කඳුකරයේ බටහිර බෑවුම් ප්‍රදේශවලට පසුගිය දින කිහිපය තුළ ඇද හැලුණු අධික වර්ෂාවත් සමග කාසල්රි සහ මාවුස්සාකැලේ ජලාශවල ජල මට්ටම පිටාර මට්ටමට ආසන්න වී ඇතිබව එම ජලාශ භාර ඉංජිනේරුවන් පැවසීය.

කාසල්රි ජලාශය පිටාර මට්ටමට අඩි 4ක් සහ මවුස්සාකැලේ ජලාශයේ ජල මට්ටමට පිටාර මට්ටමට අඩි 8 ක් දක්වා ආසන්න වි ඇති බව එම විදුලි බලාගාර ඉංජිනේරුවරු පැවසූහ.

කාසල්රි සහ මවුස්සාකැලේ ජලාශවල ජල මට්ටම ඉහළයාමත් සමග කැනියොන්, ලක්ෂපාන, නව ලක්ෂපාන, පොල්පිටිය සහ විමලසුරේන්ද්‍ර යන ජල විදුලි බාලාගර වල විදුලි උත්පාදනය උපරිම අයුරින් සිදුකරන බව විදුලි බලාගාර ඉංජිනේරුවරු ප්‍රකාශ කළහ.

මේ අතර අධික වර්ෂාව හේතුවෙන් ඊයේ (20) පස්වරුවේ ස්වයංක්‍රීයව විවෘත වි තිබූ ඉහළ කොත්මලේ ජලාශයේ වාන් දොරටුව අද (21) අලුයම වනවිට ස්වයංක්‍රීයවම වැසී ඇත.

එම ජල පෝෂක ප්‍රදේශවලට තවදුරටත් වැසි ලැබුණ හොත් ජලාශයේ වාන් දොරටු ස්වයංක්‍රීයව විවෘත වන නිසා ජලාශ වේල්ලට පහළින් කොත්මලේ ඔය දෙපස පදිංචිකරුවන් සැලකිලිමත්ව සිටිය යුතු බව ඉහළ කොත්මලේ ජල විදුලි බලාගාරයේ ඉංජිනේරුවරු ඉල්ලා සිටිති.