(ඩයනා උදයංගනී)

ප්‍රවීණ ගායන ශිල්පියකු, ගී පද රචකයෙකු, තනු නිර්මාණ ශිල්පියකු වූ ක්ලැරන්ස් විජේවර්ධන මහතාගේ 78 වන ජන්ම දින සැමරුම ඊයේ ට (3) යෙදී තිබූ අතර ඒ නිමිති කරගනිමින් මහරගම, තලපත්පිටිය ප්‍රදේශයේ ඇති ඔහු ජීවත් වූ නිවස පිහිටි මාර්ගය ”ක්ලැරන්ස් විජේවර්ධන මාවත” ලෙස නම් කිරීම රාජ්‍ය අමාත්‍ය දයාසිරි ජයසේකර මහතාගේ ප්‍රධානත්වයෙන් සිදුවිය.

එහිදී ප්‍රවීණ ගායන ශිල්පිනී ඉන්ද්‍රානි පෙරේරා මහත්මිය අතින් එම මාර්ගයේ නාම පුවරුව විවෘත කෙරිණි. ක්ලැරන්ස් විජේවර්ධන මහතා දැයෙන් සමුගෙන මේ වන විට වසර 25 කි.

ක්ලැරන්ස් විජේවර්ධනයන්ගේ බිරිඳ වන ශීලා විජේවර්ධන මහත්මිය ද මෙම අවස්ථාවට අන්තර්ජාලය ඔස්සේ මෙම අවස්ථාවට එක්වූ අතර කලාකරුවන් වන රජීව් සෙබස්තියන්, ජානක වික්‍රමසිංහ, ලිලන්ති කරුණානායක, විජේ කොරයා, ආරියසිරි විතානගේ යන මහත්ම මහත්මීන් ඇතුළු පිරිසක් මෙම අවස්ථාවට එක්ව සිටියහ.