(යොහාන් භාසුර)
කිරිපිටි කිලෝවක් රුපියල් 1300 ක සහ ග්රෑම් 400 ක් රුපියල් 520 ක් දක්වා උපරිම සිල්ලර මිල ඉහළ දමන බවත් මෙම උපරිම මිල තව දුරටත් ඉහළ නොයන බවත් කිරිපිටි ආනයනයකරුවන්ගේ සංගමයේ සාමාජික ලක්ෂ්මන් වීරසුරිය මහතා පැවසීය.
මීට පෙර කිරිපිටි කිලෝවක් රුපියල් 945 ක සහ ග්රෑම් 400 ක් රුපියල් 380 ක උපරිම සිල්ලර මිලක් පැවතුණි.
COMMENTS
හැකි තරම් කිරිපිටි බීම අතහරිමු. ඇත්තටම අවුරුදු 15 පැන්නට පස්සේ ඵලක් නැහැ. මානසික තෘප්තිය විතරයි . ඒකට දේශිය දියරමය කිරි පානයට හුරු වෙමු. කොල කැද ඉතා හොඳයි .
මොවුන් කිරිපිටි මිල තවදුරටත් ඉහළ නොදමන බව පවසනවා..... ඉන් ගම්ය වන්නේ අනාගතය වෙනුවෙන් ද කිරිපිටි මිල ඉහළ දමා අවසන් බවයි.
සහල්වලට කළ දේම කළා. ජනතාව හාමතේ සිටින තත්ත්වයක්. මේ අනුව දේශීය කිරිපිටිත් ඉහළ යාවි...
දැන් දේශීය දියර කිරිත් රොකට් වගේ ඉහළ යයි. රටින් ගෙනාවා මෙහේ හැදුවා කියලා, මේ රටේ අසරණ මිනිස්සුන්ට කොම්පැනි කාරයින් අඩුවට දෙන්නේ නෑ. පහුගිය මාසේ පිටිකිරි නැති වුණාම ගන්න තිබ්බ දේශීය කියාගන්නා දියර කිරි මාසයක් තුළ තුන් වතාවක් මිල වැඩිකළා. ඔය ටීවි ඇඩ්වල කියනවා වගේ ආදරයක් නෑ. දේශීය දේ අපේ රටේ දේ.. මේ ඔක්කොම රැවටිලි විතරයි. ඩොලර් එක වැඩි නිසා ආනයනය කරන පිටි කිරි ගාන වැඩිවුණු එක හරි කියමුකෝ. එතකොට මේ රටේ සාරවත් තණබිම් වල වැඩෙන නිරෝගී දෙනුන්ගෙන් දොවාගන්නා මව්වරුන්ගේ විශ්වාසය දිනූ අපේම කිරි, පිටරටින් ගේන ඒවා වගේ ගණන් යන්නේ කොහොමද? පිටි කිරි බීලාම මොලේ දියවුණු ජාතියකට මේවා තේරෙන්නේ නෑ..
මේ තමයි ඔබ අප බලාපොරොත්තු වූ ආශ්චර්යය...
දියර කිරි වියළා පිටිකිරි බවට පත්කිරීමේදී ඔක්සිඩයිස්ඩ් කොලෙස්ටරොල් නම් අහිතකර කොලෙස්ටරොල් වර්ගය හැදෙනවා. දියර කිරෙහි එය නැහැ. ඉන් හෘදයාබාධ සහ ලේ කැටිගැසීම් නිසා වන නහර හිරවිමේ ආබාධ (ස්ට්රෝක්) ඇතිවෙන්න ඉඩ වැඩියි. නමුත් අපගේ ජනතාව පිටි රසට වහවැටිලා ඉන්න විදිහට ඔක්සිඩයිස්ඩ් කොලෙස්ටරොල් නෙවෙයි, සයනයිඩ් තියෙනවා කිව්වත් අහන්නේ නැහැනේ. විශ්වාස කරන්නේ නැත්නම් අන්තර්ජාලයේ තිබෙන සෞඛ්ය පිළිබඳ වෙබ් අඩවිවලට යන්න. ඕවා පිටිකිරි ගෙන්වන අය කියන්නේ නෑ. මහ ජනතාව සැමන් ටින් එකේ රහට වහ වැටුණු බළලුන් වගේ පිටි කිරි වලට පොර කනවා. පිටිකිරි ආනයනය කරන අය උකු කිරි පීරිසිය වළඳපු බළලුන් වගේ තොල කට ලෙවකනවා.