(නාලක සංජීව දහනායක)

කොරෝනා වයිරසය ව්‍යාප්තවීම වැළැක්වීම,පාලනය සහ ප්‍රතිකාර සඳහා ඖෂධ, ආරක්‍ෂිත මෙවලම් හා වෛද්‍ය උපකරණ මිලදී ගැනීමට මුදල් රාජ්‍ය ඖෂධ සංස්ථාවට හා වෛද්‍ය සැපයීම් දෙපාර්තමේන්තුවට කඩිනමින් ලබාදීමටත්, හදිසි මිලදී ගැනීම සඳහා අවසර ලබාදීමටත් සෞඛ්‍ය හා දේශීය වෛද්‍ය සේවා, කාන්තා හා ළමා කටයුතු සහ සමාජ ආරක්‍ෂණ අමාත්‍යංශය තීරණය කර ඇත.

ඒ අනුව ඉදිරි දින දෙක තුළ ඒවා මිලට ගැනීමේ අවශ්‍යතාවය අනුව ඖෂධ, ආරක්‍ෂිත මෙවලම් හා වෛද්‍ය උපකරණ රෝහල්වලට බෙදාහැරීමටත්, බෙදාහැරීමෙන් පසුව ඒ සම්බන්ධයෙන් අඛණ්ඩව පසුවිපරමක් සිදුකරන ලෙසද සෞඛ්‍ය අමාත්‍ය පවිත්‍රා වන්නිආරච්චි මහත්මිය නිලධාරීන්ට උපදෙස් දී ඇත.

වෛද්‍ය සැපයුම් අංශයේ හා රාජ්‍ය ඖෂධ සංස්ථාවේ නිලධාරීන්, රෝහල් අධ්‍යක්‍ෂකවරුන් ඇතුළු පිරිසක් මෙම සාකච්ඡාවට සහභාගී විය.