චීනයේ පැතිරෙන කොරෝනා කාණ්ඩයේ වෛරසය සම්බන්ධව වැරදි තොරතුරු සහ මිත්යා මත රාශියක් ගෝලීය වශයෙන් සංසරණය වන බව ඒඑෆ්පී පුවත් සේවය පවසයි. චීනයේ මිලියන 11ක ජනතාවක් මියයන බවට අසත්ය මත ව්යාප්ත කළ බව කියන ශ්රී ලාංකිකයකු සම්බන්ධයෙන්ද කරුණු වාර්තා වී තිබේ.
පර්යේෂකයන් පවසන්නේ අන්තර්ජාලය ඇතුළු සමාජ මාධ්ය ජාලා විශාල වශයෙන් මේ සඳහා යොදා ගන්නා බවයි. වුහාන් නගරයෙන් මතුවූ වෛරසය ජනවාරි මස මුලදී ප්රසිද්ධියට පත්වූදා සිටම වැරදි තොරතුරු ව්යාප්ත වූ බව ඔවුහු පවසති.
නොමග යවන වවුල් සුප් වීඩියෝ, මරණ සංඛ්යාව විශාල කර දැක්වීම්, සාවද්ය ප්රතිකාර ක්රම, එන්නත් සහ කුමන්ත්රණ සම්බන්ධ තොරතුරු මහජනතාව බිය වද්දවමින් සහ නොමග යවමින් ප්රචාරය වන අතර ජාතිවාදය අවුළුවන ප්රකාශ ද ඒ අතර ඇති බව ඔවුහු සඳහන් කරති.
මාධ්ය අධ්යයනය සඳහා වන පොයින්ටර් ආයතනයේ ක්රිස්ටිනා ටර්ඩගුයිලා මහත්මිය පවසන්නේ රටවල් 30ක් ආශ්රිතව කරුණු පරීක්ෂා කිරීමේදී සංවිධාන 50කට වැඩි සංඛ්යාවක් වැරදි තොරතුරු රැල්ලක් ලෙස සමාජ ගතකිරීමට දායක වී ඇති බවයි.
භීතියට සහ ව්යාකූලත්වයට හේතුවන වැරදි තොරතුරු විශාල ප්රමාණයක් ඒඑෆ්පී මාධ්ය ආයතනයේ තොරතුරුවල නිරවද්යතාවය පරීක්ෂා කිරීමේ කණ්ඩායමට ද සොයාගැනීමට ලැබී තිබේ.
වෛරසයේ මූලාරම්භය ගැනත් ව්යාජ පේටන්ට් බලපත්රයක් ගැනත් රෝගය සුව කරගන්නේ කෙසේද යන්න ගැනත් බොහෝ වැරදි පුවත් වාර්තා වී ඇත. වෛරසයට එරෙහි එන්නතක් සඳහා 2015දී පේටන්ට් ලබාගෙන ඇති බවට පැතිර ගිය සාවද්ය පුවත එයින් එකකි. මෙම බලපත්රය කුකුළු මස් වලින් ව්යාප්ත වන වෛරසයක් සඳහා ලබාගත්තකි. සේලයින් හෝ ලවණ සහිත ජලයෙන් වෛරසය විනාශ කළ හැකි බවට ද වැරදි මතයක් ප්රචාරය වී ඇත.
අන්තර්ජාලයේ විශාල වශයෙන් ව්යාප්ත වූ කාන්තාවක් වවුල් සුප් පානය කරන වීඩියෝව වසර 2016දී පැසිෆික් දූපතක් වන පලාවු හි දී චීන සංචාරක බ්ලොග්කරුවකු විසින් රූගත කළ එකක් බව පෙනී ගොස් ඇත. සත්ය දැනගත් වහාම එම දර්ශන ප්රචාරය කළ මාධ්ය ආයතන කිහිපයක් පරීක්ෂා කර යාවත්කාලීන කිරීමට කටයුතු කර තිබේ.
"බොහෝ දෙනකුට ඔවුන්ගේ මූලික තොරතුරු මූලාශ්රය වන්නේ සමාජ මාධ්ය ජාලය වන අතර එය විමර්ශනයකින් තොරව පුවත් ප්රචාරය කිරීම සම්බන්ධයෙන් කුප්රකටය" යනුවෙන් නවසීලන්තයේ වෛද්ය සමාජ විද්යාඥයෙකු වන රොබට් බර්තෝලමියු පවසයි.
නිරන්තරයෙන් අසත්ය තොරතුරු ගලා ඒම නිසා වෛරසය සමග පොරබදිමින් සිටින සෞඛ්ය නිලධාරීන්ට එම කාර්යය නිසි පරිදි කර ගැනීමට නොහැකි තත්ත්වයක් උදාවී ඇතැයි ද ඔහු පවසයි.
(එඑෆ්පී ඇසුරිණි - 085)
මහා පරිමාණ සහල්මෝල් හිමියෙක් ලබන ලාභය පිළිබඳව ජනතාව දැනගතහොත් පුදුමයට පත්වන බවත් වී මිල තීරණය කිරීමේදී සහල්මෝල් හිමියන්ගේ සියලුම වියදම් සහ ආදායම් ප
දේශපාලන වරදාන ලෙස මහ කොමසාරිස් ධුර සහ තානාපති ධුර පිරිනැමීමේ දීර්ඝ සහ අතිශය කණගාටුදායක සම්ප්රදාය ඉදිරියට රැගෙන යමින් විදේශ සේවය සඳහා ජාතික ජන බලවේග
ජාත්යන්තර මූල්ය අරමුදල මෙරටට ලබාදී ඇති වැඩසටහනේ ප්රමිතීන්ට අනුකූලව ’’2025 අයවැය’’ ඉදිරිපත් කිරීම සහ පෙර එකඟවූ කොන්දේසි ඉටු කිරීම මත පසුගිය නොවැම්බර
පසුගිය දෙසැම්බර් මාසයට සාපේක්ෂව ශ්රී ලංකාවේ නිල සංචිත ජනවාරි මාසයේදී ඇමෙරිකානු ඩොලර් බිලියන 6.065 දක්වා සියයට 0.9 ක ප්රතිශතයකින් එසේත් නැතිනම් ඩොලර් මි
එරාවුර් පොලිස් ස්ථානය ඉදිරිපිටදී ශ්රී ලංකා මුස්ලිම් කොංග්රස් පක්ෂයේ (SLMC) මඩකලපුව දිස්ත්රික් පාර්ලිමේන්තු මන්ත්රී මොහොමඩ් සාලි නලීම් මහතාට පුද්ග
බත්තරමුල්ලේ පිහිටි ආගමන විගමන දෙපාර්තමේන්තු මූලස්ථානය වෙත විදේශ ගමන් බලපත්ර ලබාගැනීම සඳහා පැමිනෙන ජනතාව ආරක්ෂාව සඳහා සහ ජනතාවට සහාය සඳහා නව පොලිස්
ශ්රී ලංකාවේ අංක එකේ පාරිභෝගික ඉලෙක්ට්රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්රී ලංකාවට හදුන්වාදෙන ලදි.
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
කොරෝනා ගැන අසත්ය තොරතුරු පැතිර වූ අය අතර ලාංකිකයෙකුත්
wedage Thursday, 30 January 2020 11:01 AM
ඇමති කෙනෙක් වෙන්න ඇති...............
කපුරුහාමි Thursday, 30 January 2020 11:06 AM
අපේ උන් ගැන ආයේ අමුතුවෙන් කියන්න දෙයක් නැහැනේ. සමහර කට වාචාල දේශපාලුවන් කරන්නෙත් ඔය වගේ වැඩනේ..?
Mahee Thursday, 30 January 2020 11:22 AM
යන්තම් ඇති, තව පොඩ්ඩෙන් අපේ සංස්කෘතියට බරපතල හානියක් වෙන්නයි තිබුනේ. ගැලවුම් කාරයෙක් හිටිය වෙලාවට අපිව ලෝක තලයට ගෙනයන්න.