(විශ්ව ගැමුණු ප‍්‍රියංකර)

මෙරට වගාවට සරිලන දියර කාබනික පොහෙර නිෂ්පාදනය කරන උපාධි ධාරිනියක කළුතර වලල්ලාවට කටුදොර ගුලනහේන ගම්මානයෙන් අප හමුවිය. ඇය නමින් හර්ෂණී වික‍්‍රමසිංහයි.

හොරණ ශ‍්‍රීපාලි විද්‍යාලයේ ආදි සිසුවියක වන ඇය කැලණිය විශ්ව විද්‍යාලයේ සෞන්දර්ය කලා උපාධිධාරිණියකි.

කොවිඞ් වසංගත සමයේ ඇය  සිදු කළ අත් හදා බැලීම් අසුරෙන් මෙම නිශ්පාදන සඳහා මූලික කටයුතු ආරම්භ කර ඇති අතර මේ වන විට තේ, වී වගාවට ඇතුළු මල්,පලතුරු, එළවළු, වගාවන් සඳහාද මෙම දියර පොහොර නිෂ්පාදනය කරයි.

දිවයින පුරා ඇති කාබනික කෘෂි උපදේශන මධ්‍යස්ථානයෙන්  ලබා ගත් උපදෙස් අනුව  දියර පොහොර නිෂ්පාදනය කර ඇත. මේ වන විට ජාතික පොහොර ලේකම් කාර්යාලය සහ පරිසර අධිකාරිය මගින් ඇයට සුවිශේෂී තත්ව අනුමැතියක් ලබා දී තිබේ.

සිිත් ගන්නා සුළු ඇසුරුම් මගින් වෙළඳ පොළට ඉදිරිපත් කර ඇති මෙම දියර පොහොර කිසිදු දුර්ගන්ධයකින් තොර වීම සහ වස විෂ රහිත වීම තවත් සුවිශේෂීත්වයකි.