(ඉන්දිකා  රාමනායක)

රුපියල් කෝටි 3 ට අධික වටිනාකමකින් යුත් කේරළ ගංජා කිලෝ 107  ප්‍රමාණයක්  සමග සැකරුවෙක් වෙත්තලකේණි ප්‍රදේශයේදී නාවික හමුදා අත්අඩංගුවට ගෙන ඇත.

නාවික හමුදාව  විසින් ඊයේ  (22) දින වෙත්තලකේනි, කඩේයිකාඩු වෙරළ ප්‍රදේශයේ  සහ නිවසක් අසල  දී මේවාසොයාගෙන ඇත.

 වෙත්තලකේණි නාවික  අණුඛණ්ඩය මගින්  කඩේයිකාඩු වෙරළ ප්‍රදේශයේ සිදුකළ මෙම විශේෂ පාමුර සංචාරයේදී, අසල ලඳු කැලෑවට පැනයාමට උත්සහ කළ සැකකටයුතු පුද්ගලයෙකු පරීක්ෂා කර ඇති අතර  ඔහු සතුව තිබී  කේරළ ගංජා සහිත පාර්සල් 16 ක ප්‍රමාණයක් සොයාගෙන ඇත. 

එම සැකකරුගෙන් සිදු කල  වැඩි දුර ප්‍රශ්ණ කිරීමේදී , එම ප්‍රදේශයේ නිවසක් අසල සඟවා තිබූ  තවත් කේරළ ගංජා සහිත පාර්සල් 24ක්‌ සොයාගන්නා සොයාගෙන ඇත.

අනතුරුව සැකකරු සමග කිලෝ 107 ග්‍රෑම් 840ක පමණ වූ පාර්සල් 40ක  කේරල ගංජා තොගය  නාවික හමුදා භාරයට  ගන්නා ලදි.

සැකකරු වයස අවුරුදු 33ක්‌ වන මුල්ලියාන්  ප්‍රදේශයේ පදිංචි පුද්ගලයෙකු බවට හඳුනාගන්නා ලද අතර, සැකකරු සහ කේරල ගංජා තොගය ඉදිරි විමර්ශණ කටයුතු සඳහා මරුදන්කේණි පොලිසිය වෙත භාර දිමට කටයුතු කෙරිණි.