(තිළිණි ද සිල්වා)

ජාත්‍යන්තර ගුවන්තොටුපල කවුන්සිලය (Airports Council International) විසින් කටුනායක ජාත්‍යන්තර ගුවන්තොටුපල කොව්ඩ් අවදානම මත ආරක්ෂිතව පවත්වාගෙන යා හැකි  පහසුකම් වලින් සමන්විත බවට තත්ත්ව සහතිකය ලබා දී ඇති බව ගුවන් සේවා හා ආයෝජන කලාප සංවර්ධන  රාජ්‍ය ඇමැති ඩී වී චානක මහතා පැවසීය.

ලෝකයේ ජත්‍යන්තර ගුවන් තොටුපළවල් 1200 අතුරින් රටවල් 196ක් මෙවැනි සහතිකයක් හිමිකර තිබෙන බවත්, ඒ අතරට ශ්‍රි ලංකාව පැමිණ තිබීම විශේසත්වයක් බවද රාජ්‍ය ඇමැතිවරයා සඳහන් කළේය.
 
ජාත්‍යන්තර ගුවන්තොටුපල කවුන්සිලය මෙරට කටුනායක ගුවන්තොටුපළ පවිත්‍රතාවය, විෂබීජ හරණය, දුරස්තභාවය, සේවක ආරක්ෂාව, ප්‍රමාණවත් ඉඩපහසුකම්, ගුවන් මගී අවශ්‍යතාවයන්, වැනි කරුණු පිළිබදව අධ්‍යයනය කර ඇතැයිද රාජ්‍ය අමාත්‍යවරයා කියා සිටී.
 

එසේම මගී පර්යන්ත තුලදී ලබා දෙන සේවාවන් හි සෞඛ්‍ය ආරක්ෂාව හා ගුණාත්මක භාවය හා ක්‍රියා දාමයන් පිළිබදව සැළකිලිමත් වී ඇතැයි ද හෙතෙම පෙන්වාදේ.

මගී පර්යන්තට ඇතුලුවීම හා පිටවීම ආරක්ෂක අංශ හා කටයුතු කිරීම,ආගමන විගමන  අංශ, ගිමන්හල්, ප්‍රභූ පර්යන්ත හා අමුත්තන් පැමිණෙන ආදි ස්ථානයන්හි සෞඛ්‍ය ආරක්ෂාව සැළකිල්ලට ගෙන ඔහු වැඩිදුරටත් කීවේය.
 
ජාත්‍යන්තර ගුවන්තොටුපල කවුන්සිලය ලෝක ගුවන්තොටුපල බලධාරීන්ගේ ගෝලීය වෙළඳ නියෝජිතයෙකි. රජයන් සහ ජාත්‍යන්තර සංවිධාන සමඟ ගුවන්තොටුපලවල අවශ්‍යතා නියෝජනය කරයි, ගුවන්තොටුපල සඳහා ප්‍රමිති, ප්‍රතිපත්ති සහ නිර්දේශිත භාවිතයන් සංවර්ධනය කරන අතර එය ලොව පුරා ප්‍රමිතීන් ඉහළ නැංවීම සඳහා තොරතුරු සහ පුහුණු අවස්ථා සපයයි.